अभियान लक्ष्य भागीरथी के तहत छत्तीसगढ़ म किसान मन के 100 प्रतिशत जमीन म सिंचाई सुविधा देवाए के लक्ष्य

जलसंसाधन सचिव श्री गणेश शंकर मिश्रा जल मंथन कार्यक्रम म 

रायपुर, 29 जुलाई 2017। प्रधानमंत्री श्री नरेन्द्र मोदी के हर खेत ल पानी, हर बूंद म जादा फसल अऊ किसान मन के आमदनी ल दुगुना करे के लक्ष्य ल ध्यान म रखके छत्तीसगढ़ के जल संसाधन विभाग से अभियान लक्ष्य भागीरथी के माध्यम ले किसान मन के 100 प्रतिशत जमीन म सिंचाई सुविधा देवाए के महत्वाकांक्षी लक्ष्य ल पूरा करे के दिशा म तेजी ले अमल करे जात हे। करीबन एक साल पहिली चालू लक्ष्य भागीरथी योजना के तहत राज्य म अब तक 106 पूरा नइ होए, सिंचाई योजना मन के निर्माण पूरा कर ले गए हे। 
ये जानकारी छत्तीसगढ़ के जल संसाधन विभाग के सचिव श्री गणेश शंकर मिश्रा ह आज नई दिल्ली के विज्ञान भवन म आयोजित जल मंथन म एक प्रस्तुतिकरण के माध्यम ले दीन। ए अवसर म छत्तीसगढ़ के जल संसाधन मंत्री श्री बृजमोहन अग्रवाल अऊ केन्द्रीय जल संसाधन विभाग के सचिव डॉ. अमरजीत सिंह घलोक उपस्थित रहिन।
प्रस्तुतिकरण म श्री मिश्रा ह बताइन कि प्रधानमंत्री कृषि सिंचाई योजना के तहत लंबित सिंचाई योजना मन के लक्ष्य ल पूरा करे के लक्ष्य ल आगू बढ़ात छत्तीसगढ़ राज्य ह अभियान लक्ष्य भागीरथी के कार्य योजना बनाये हे अऊ साल 2028 तक छत्तीसगढ़ के शतप्रतिशत जमीन म सिंचाई सुविधा देवाए के महत्वाकांक्षी लक्ष्य पूरा करे के संकल्प लेहे हे।
उमन बताइन कि अभी हाल म छत्तीसगढ़ म सिंचाई के प्रतिशत 34 हे अऊ एला 100 प्रतिशत तक पहुंचाए बर हर साल एक लाख हेक्टर क्षेत्र ल सिंचित करे के लक्ष्य रखे गए हे। उमन कहिन कि साल 2016 ले चालू ए योजना म हमन पहिलिच साल म एक लाख 02 हजार हेक्टर अकतहा क्षेत्र म सिंचाई सुविधा के व्‍यवस्‍था बनाए म सफलता प्राप्त करेन जऊन राज्य गठन के बाद पहली पइत होइस हे। ए अभियान ले सिंचाई क्षमता म करीबन दू प्रतिशत के बढ़ोतरी होइस हे जबकि पाछू साल म ये 0.68 प्रतिशत रहिस हे। ए अभियान ले एक साल म 106 योजना मन पूरा होइस हे, मने हर हफ्ता दू योजना पूरा होइस हे। उमन कहिन कि जऊन गति ले छत्तीसगढ़ म अभियान लक्ष्य भागीरथी योजना ल क्रियान्वित करे जात हे ओखर ले हमला पूरा विश्वास हे कि हम अपन लक्ष्य ल तय बेरा म पा लेंबोन। 

Post a Comment

0 Comments