केन्द्रीय राज्य मंत्री श्री अहलुवालिया 11 जुलाई के दिन रायपुर आहीं

जीएसटी उपर आयोजित कार्यक्रम म होही सामिल
रायपुर, 07 जुलाई 2017। केन्द्रीय कृषि, कृषक कल्याण अउ संसदीय काम राज्यमंत्री श्री एस.एस. अहलुवालिया 11 जुलाई के दिन रायपुर आहीं। श्री अहलुवालिया इहां समता कॉलोनी स्थित महाराजा अग्रसेन अंतर्राष्ट्रीय महाविद्यालय के सभाकक्ष म केन्द्रीय वस्‍तु अउ सेवाकर (जीएसटी) उपर आयोजित विचार-विमर्श कार्यक्रम म हिस्सा लेंहीं। ये कार्यक्रम बिहनिया 10.30 बजे ले शुरू होही। कार्यक्रम के आयोजन आयुक्त, केंद्रीय वस्‍तु अउ सेवाकर अउ केंद्रीय उत्पाद शुल्क, रायपुर कोति ले करे गए हे। ए विचार-विमर्श कार्यक्रम म केन्द्रीय वस्‍तु अउ सेवाकर अउ केंद्रीय उत्पाद शुल्क रायपुर के आयुक्त श्री विनोद कुमार सक्सेना, छत्तीसगढ़ के वाणिज्यिक-कर आयुक्त श्रीमती पी.संगीता संग केन्द्र अउ राज्य शासन के अधिकारी, व्यापार अउ उद्योग जगत के प्रतिनिधि अऊ स्टेकहोल्डर्स हिस्सा लेंहीं। ए कार्यक्रम म वस्‍तु अउ सेवाकर प्रणाली के भारतीय अर्थव्यवस्था म उपयोगिता अउ महत्व उपर विशेष रूप ले चर्चा करे जाही। 

Post a Comment

0 Comments