कृषि मंत्री ह 15 श्रमिक मन ल सउंपिन ई-रिक्शा के चाबी

शंकर नगर मार्ग म ई-रिक्शा चलाके आनंद घलोक लीन

रायपुर, 10 जुलाई 2017। कृषि मंत्री श्री बृजमोहन अग्रवाल ह आज इहां अपन निवास परिसर म आयोजित संक्षिप्त कार्यक्रम म मुख्यमंत्री ई-रिक्शा सहायता योजना के तहत रायपुर नगर निगम के महामाया वार्ड के 15 श्रमिक मन ल श्रम विभाग कोति ले स्वीकृत ई-रिक्शा के चाबी सउंपिन। श्री अग्रवाल ह इन सबो श्रमिक मन ल ई-रिक्शा मिले म बधाई अउ शुभकामना दीन। उमन अपन निवास ले बाहिर मुख्य मार्ग म ई-रिक्शा ल चला के आनंद घलोक लीन। ए अवसर म रायपुर नगर निगम के नेताप्रतिपक्ष श्री सूर्यकांत राठौर, महामाया वार्ड के पार्षद श्री सालिक सिंह ठाकुर संग आन जनप्रतिनिधि घलोक उपस्थित रहिन। 

Post a Comment

0 Comments