खरीफ मौसम 2017 किसान मन ल 6.70 लाख मीटरिक टन ले जादा खाद वितरित

रायपुर, 24 जुलाई 2017। छत्तीसगढ़ म किसान मन ल खरीफ फसल मन बर खाद बांटे के काम लउहे-लउहे करे जात हे। किसान मन ल अभी तक करीबन छै लाख 70 हजार 673 मीटरिक टन यूरिया, सुपरफास्फेट, पोटाश, डीएपी, एनपीके खाद बांटे गए हे। 
कृषि मंत्री श्री बृजमोहन अग्रवाल ह आज इहां बताइस कि ए साल खरीफ फसल मन बर दस लाख 65 हजार मीटरिक टन खाद बांटने के लक्ष्य रखे गए हे। पाछू खरीफ मौसम म नौ लाख 71 हजार 523 मीटरिक टन खाद बांटे गए रहिस। उमन बताइन कि अभी तक किसान मन ल तीन लाख 41 हजार 229 मीटरिक टन यूरिया, 71 हजार 843 मीटरिक टन सुपर फास्फेट, 37 हजार 796 मीटरिक टन पोटाश, एक लाख 94 हजार 814 मीटरिक टन डीएपी अउ 24 हजार 987 मीटरिक टन एनपीके बांटे गए हे।

Post a Comment

0 Comments