आषाढ़ पर्व 2017 : तीन दिन के सांस्कृतिक कार्यक्रम होइस

रायपुर, 05 जुलाई 2017। राज्य शासन के संस्कृति विभाग कोति ले आयोजित तीन दिन के सांस्कृतिक कार्यक्रम आषाढ़ पर्व 2017 मंगलवार के दिन खतम होइस। महंत घासीदास संग्रहालय के मुक्ताकाश मंच म कलाकार मन ह लोक गायन, सुगम संगीत, पियानो वादन, कथक नृत्य, समूह नृत्य, नृत्य नाटिका, बांस गीत, ताल छत्तीसगढ़ के शानदार प्रस्तुति दीन।
कार्यक्रम के आखरी दिन काल मुक्ताकाश मंच म श्री दयालुराम यादव अऊ उंखर बांस गीत पार्टी कोति ले प्रेम कहानी लोरिक चंदा के शानदार प्रस्तुति दे गीस। श्री राम संगीत महाविद्यालय रायपुर के डॉ. राजश्री नामदेव कोति ले महाकवि कालीदास के रचित मेघदूत ल नृत्य नाटिका के माध्यम ले मंच म प्रस्तुत करे गीस। अइसनहे श्री रिखी क्षत्री ह पारम्परिक दुर्लभ वाद्ययंत्र मन के संग छत्तीसगढ़ के संस्कृति ल नृत्य अऊ झांकी के संग प्रस्तुत करिन।

Post a Comment

0 Comments