हरियर छत्तीसगढ़ 2017: वृक्षारोपण महा अभियान

पंचायत मंत्री श्री अजय चन्द्राकर ह लगाइस आमा अऊ नीम के पौधा 
रायपुर, 20 जुलाई 2017। पंचायत अउ ग्रामीण विकास मंत्री श्री अजय चन्द्राकर ह आज नवा रायपुर के निमोरा स्थित पंचायत अउ ग्रामीण विकास संस्थान म आम अऊ नीम के पौधा लगाइस। श्री चन्द्राकर निमोरा आदर्श शासकीय पूर्व माध्यमिक शाला म घलोक गांव वाले मन अऊ छात्र-छात्रा मन के संग वृक्षारोपण महा अभियान कार्यक्रम म घलोक सामिल होइन। उमन ए मौका म शिक्षक, गांव वाले मन अऊ पढ़ईया लईका मन ल स्वच्छता अऊ पर्यावरण ल संतुलित बनाए म सहयोग प्रदान करे बर शपथ दिवाइस। 
वृक्षारोपण महा अभियान के मौका म श्री चन्द्राकर ह कहिन कि पर्यावरण असंतुलन आज के समय म बहुत बड़े वैश्विक चुनौती बन गए हे। मनखे मन ल एला स्वीकार करके समाज म अपन सकारात्मक भूमिका सुनिश्चित करना होही। सिरिफ वृक्षारोपण करइच नहीं, ऊंखर संरक्षण के जिम्मा उठाके अवइया पीढ़ी ल ये बतावव कि हमन समाज ले लेवइच नहीं, देवइ घलोक सीखना हे। उमन कहिन कि सिरिफ पौधा लगाय ले ही प्रकृति अऊ पर्यावरण ल सुरक्षित अऊ संरक्षित नइ रखे जा सके, भलुक ओ मन ल बचाए बर उदीम करना होही। 
ए मौका म ग्राम पंचायत निमोरा के सरपंच श्रीमती रूखमणी कोसले, पंचायत अउर ग्रामीण विकास विभाग के अपर मुख्य सचिव श्री एम.के.राउत, सचिव श्री पी.से.मिश्रा, संचालक पंचायत श्री एस.के.जायसवाल, राष्ट्रीय ग्रामीण आजीविका मिशन के संचालक श्रीमती ऋतु सेन, प्रधानमंत्री ग्राम सड़क योजना के मुख्य कार्यपालन अधिकारी श्री राकेश चतुर्वेदी, प्रधानमंत्री घर योजना (ग्रामीण) अपर आयुक्त श्री शिव अनंत तायल, स्वच्छ भारत मिशन के प्रबंध संचालक श्री विलास राव संदीपन, जिला पंचायत रायपुर के मुख्य कार्यपालन अधिकारी श्री नीलेश क्षीरसागर, अपर आयुक्त श्री सुभाष मिश्रा संग ग्रामीण विकास विभाग के अधिकारी- कर्मचारी, शिक्षक- शिक्षिका मन, छात्र-छात्रा मन अऊ गांव वाले मन बड़ झन उपस्थित रहिन। 

Post a Comment

0 Comments