मुख्यमंत्री 21 जुलाई के दिन राजनांदगांव जाही

नवनिर्मित रेल्वे अंडरब्रिज के करहीं लोकार्पण
मोहारा म जनता के संग करहीं वृक्षारोपण
रायपुर, 20 जुलाई 2017। मुख्यमंत्री डॉ. रमन सिंह काल 21 जुलाई के दिन राजनांदगांव म आयोजित कई ठन कार्यक्रम मन म सामिल होहीं। डॉ. सिंह निरधारित कार्यक्रम के अनुसार रायपुर ले बिहनिया 10.30 बजे हेलीकॉप्टर ले रवाना होके मंझनिया 11 बजे राजनांदगांव पहुंचहीं अऊ उहां मोतीपुर म नवनिर्मित रेल्वे अंडरब्रिज के लोकार्पण करहीं। ए कार्यक्रम के बाद डॉ. सिंह 11.30 बजे बजरंगपुर नवागांव पहुंचहीं अऊ उहां नगर निगम क्षेत्र के कई ठन विकास अऊ निर्माण काम मन के लोकार्पण अऊ भूमिपूजन करहीं। मुख्यमंत्री मंझनिया तीन बजे रामधीन मार्ग म ई-रिक्शा दुकान के उद्घाटन करहीं अऊ मंझनियाच 3.45 बजे मोहारा म हरियर छत्तीसगढ़ अभियान के तहत आम जनता के संग वनमहोत्सव म सामिल होके वृक्षारोपण करहीं। डॉ. सिंह संझा 4.45 बजे रायपुर लहुट आहीं। 

Post a Comment

0 Comments