बी.एस-सी. कृषि-उद्यानिकी पाठ्यक्रम के खाली सीट मन म प्रवेश बर दूसर काउंसिलिंग 26 जुलाई ले

रायपुर, 24 जुलाई 2017। प्रदेश के शासकीय अउ निजी कृषि अउ उद्यानिकी महाविद्यालय मन म शिक्षा सत्र् 2017-18 के पहिली साल म प्रवेश बर दूसर काउंसिलिंग 26 अऊ 27 जुलाई ले आयोजित करे जात हे। पहिली काउंसिलिंग के बाद अनुसूचित जनजाति महिला वर्ग के 36 सीट खाली हे। एकर अलावा विशेष वर्ग के श्रेणी म कुल 110 सीटें खाली हे, एमां दिव्यांग के 46, विशेष जनजाति के 52 अउ नक्सल प्रभावित श्रेणी के 12 सीट सामिल हे। स्वतंत्रता संग्राम सेनानी के 46 स्थान घलोक खाली हे। दूसर काउंसिलिंग के माध्यम ले ए सब सीट मन म प्रवेश के कार्रवाई करे जाही। 
दूसर काउंसिलिंग के पहिली दिन 26 जुलाई के दिन अनुसूचित जनजाति महिला वर्ग के 36 खाली स्थान मन म प्रवेश दे बर काउंसिलिंग होही। जेमां 6,001 ले 9,000 पीएटी ओवर ऑल रैंक तक के अभ्यर्थी हिस्सा ले सकही। यदि ए 36 सीट मन म ले कुछ सीट बांच जाही तो ओ मन ल भरे बर काउंसिलिंग दूसर दिन 27 जुलाई के दिन घलोक होही। दूसर दिन के काउंसिलिंग म 9,001 ले 12,000 पीएटी ओवर ऑल रैंक तक के उम्मीदवार सामिल हो सकत हें। दूसर काउंसिलिंग के दूसर दिन 27 जुलाई को शेष बांचे सबो सीट माने दिव्यांग वर्ग, विशेष जनजाति, नक्सल प्रभावित श्रेणी अऊ स्वतंत्रता संग्राम सेनानी वर्ग बर काउंसिलिंग रखे गए हे। येमां 1 ले आखरी पीएटी ओवर ऑल रैंक तक के अभ्यर्थी सामिल होहीं। फार्म भरे के विधि, काउंसिलिंग के दिशा-निर्देश, काउंसिलिंग शुल्क जमा करे के विधि, प्रवेश उपरांत निरधारित शुल्क, कागद मन के जरूरत, खाली सीट मन म काउंसिलिंग अउ काउंसिलिंग के आन जमो प्रक्रिया के जानकारी www.igkvmis.cg.nic.in म बवय। ए काउंसिलिंग म घलोक पी.ए.टी. 2017 के प्रवेश नियम लागू होही। दूसर काउंसिलिंग ले संबंधित आन जानकारी कार्यालयीन समय म दूरभाष नम्बर 0771-2970217 म प्राप्त करे जा सकत हे। दूसर काउंसिलिंग के तारीख मन म भिनसरहा 8 बजे ले 11 तक काउंसिलिंग के पहिली कागद मन के सत्यापन करे जाही। एखर बाद काउंसिलिंग अऊ सीट आवंटन के कार्रवाई करे जाही। काउंसिलिंग शासकीय कृषि महाविद्यालय, कृषक नगर रायपुर म आयोजित करे जाही।

Post a Comment

0 Comments