अवइया 50 साल तक राजनांदगाँव वासी मन ल घर-घर मिलही पीये के पानी: डॉ. रमन सिंह

मुख्यमंत्री डॉ. रमन सिंह ह करिन 286 करोड़ रूपिया के काम मन के शिलान्यास 
शहर म पेयजल आपूर्ति बर अमृत मिशन योजना के रखिस आधारशिला

रायपुर, 21 जुलाई 2017। मुख्यमंत्री डॉ. रमन सिंह ह आज जिला मुख्यालय राजनांदगांव ल 286 करोड़ 38 लाख रूपिया के लागत के कई ठन विकास काम मन के सौगात दीन। मुख्यमंत्री डॉ. रमन सिंह ह बजरंगपुर नवागांव म आयोजित कार्यक्रम म 266 करोड़ 42 लाख रूपिया के कई ठन काम मन के भूमिपूजन करिन संगे म 19 करोड़ 21 लाख रूपिया के काम मन के शहर वासी मन बर लोकार्पित करिन। ए दौरान मुख्यमंत्री डॉ. रमन सिंह ह राजनांदगांव शहर वासी मन ल पीये के साफ पानी देहे खा‍ि तर अमृत मिशन योजना के तहत 210 करोड़ 56 लाख रूपिया के जल प्रदाय योजना के आधारशिला घलोक रखिस। उमन राजनांदगांव शहर म एक करोड़ 51 लाख रूपिया के लागत ले निर्मित हाईटेक सिटी बस डिपो सह टर्मिनल के घलोक लोकार्पण करिन।
कार्यक्रम म मुख्यमंत्री डॉ. रमन सिंह ह कहिन कि अमृत मिशन योजना ले शहर म पेयजल के दिक्कत दूर हो जाही अऊ शहर वासी मन ल साफ पेयजल मिलही। उमन कहिन कि ए योजना ले साल 2050 तक पेयजल के कोनो समस्या नइ होही। डॉ. सिंह ह कहिन कि अमृत मिशन योजना शहर वासी मन बर अमृत के समान साबित होही। उमन बताइन कि ए योजना के अंतर्गत खरखरा जलाशय ले पाईप लाईन के माध्यम ले हर एक वार्ड म पानी पहुंचाए जाही। पानी ल पीये लइक बनाए बर 70 एमएलडी क्षमता के वाटर ट्रीटमेंट प्लांट घलोक लगाए जाही। घर तक पहुंचत पानी के प्रेशर कम मत हो एखर बर 6 पानी के टंकी घलोक बनाए जाही। डॉ. सिंह ह अमृत मिशन योजना बर प्रधानमंत्री श्री नरेन्द्र मोदी ल धन्यवाद दीन। उमन योजना ल समय-सीमा म पूरा करे के निर्देश देवत कहिन कि गुणवत्‍ता के विशेष रूप ले ध्यान रखे जाय। 
कार्यक्रम म सांसद श्री अभिषेक सिंह ह कहिन कि बजरंगपुर नवागांव वार्ड म पानी के हर एक साल कमी होवत रहिस, फेर अमृत मिशन योजना ले वार्डवासी मन के संग पूरा शहर म पानी बहुत मात्रा म मिल सकही। उमन कहिन कि गर्मी म पानी के सबले जादा किल्लत होत रहिस फेर अमृत मिशन योजना के बाद साल भर बहुत मात्रा म पेयजल उपलब्‍ध रहिथे। कार्यक्रम म महापौर श्री मधुसूदन यादव ह कहिन कि बजरंगपुर नवागांव क्षेत्र के जनता के जुड़ाव के कारण मुख्यमंत्री डॉ. रमन सिंह ह कार्यक्रम ल इही क्षेत्र म करे के निर्देश देहे हें। श्री यादव ह कहिन कि भारी संख्या म वार्डवासी मन के उपस्थिति दर्शात हे कि इहां के मनखे मन के मुख्यमंत्री डॉ. सिंह के बर विशेष लगाव हे। उमन कहिन कि हमार मुख्यमंत्री अतीक संवेदनशील हे कि क्षेत्र के जनता जऊन मांग रखथे ओला मुख्यमंत्री तुरते पूरा कर देथें। श्री यादव ह क्षेत्रवासी मन कोति ले मुख्यमंत्री ल शासकीय विद्यालय ल 12वीं तक करे के मांग करिन। अउ मुख्यमंत्री ह संवेदनशीलता ले विचार करे के आश्वासन दीन।  
कार्यक्रम म मुख्यमंत्री डॉ. रमन सिंह ह राजनांदगांव नगर निगम क्षेत्र ल खुले म शौच मुक्‍त घोषित कराए बर उत्कृष्ट काम करइया अधिकारी मन अऊ कर्मचारी मन के उत्साहवर्धन बर प्रमाण पत्र प्रदान करके उमन ल सम्मानित करिन। ए दौरान उमन डस्टबिन वितरण योजना के शुरूआत करत कुछ समूह मन ल गीला अउ सूखा कचरा बर हरियर अऊ नीला रंग के डस्टबिन बांटे गीस। कार्यक्रम म उमन डोर टू डोर ई-रिक्शा, उज्‍वला गैस कनेक्शन, डिजिटल साक्षरता अभियान के तहत उत्‍तीर्ण प्रमाण पत्र घलोक वितरित करिन। 
ए अवसर म महापौर श्री मधुसूदन यादव, बीस सूत्रीय कार्यक्रम क्रियान्वयन समिति के उपाध्यक्ष श्री खूबचंद पारख, छत्‍तीसगढ़ राज्य अनुसूचित जाति आयोग के अध्यक्ष श्री रामजी भारती, छत्‍तीसगढ़ राज्य भण्डार गृह निगम के अध्यक्ष श्री नीलू शर्मा, छत्‍तीसगढ़ उर्दू अकादमी के अध्यक्ष श्री अकरम कुरैशी, विधायक डोंगरगढ़ श्रीमती सरोजनी बंजारे, जिला सहकारी केन्द्रीय बैंक के अध्यक्ष श्री सचिन बघेल, राजगामी संपदा न्यास के अध्यक्ष श्री रमेश पटेल, राज्य महिला आयोग के सदस्य डॉ. लकीर मेश्राम, नगर निगम के सभापति श्री शिव वर्मा, पूर्व जिला पंचायत अध्यक्ष श्री भरत वर्मा, राजगामी  संपदा न्यास के पहिली अध्यक्ष श्री संतोष अग्रवाल, श्री कोमल सिंह राजपूत, श्री राजेश श्यामकर के संग कलेक्टर श्री भीम सिंह, पुलिस अधीक्षक श्री प्रशांत अग्रवाल संग जनप्रतिनिधि अउ बड़ अकन आम नागरिक उपस्थित रहिन।

Post a Comment

0 Comments