शासकीय महाविद्यालय धमतरी म 731 पढ़ईया लईका मन ल टेबलेट बांटे गीस

रायपुर, 27 जुलाई 2017। पंचायत अउ ग्रामीण विकास मंत्री श्री अजय चंद्राकर ह आज इहां धमतरी स्थित बाबू छोटेलाल श्रीवास्तव स्नातकोत्तर महाविद्यालय म आयोजित टेबलेट वितरण कार्यक्रम म सामिल होइन। उमन छत्तीसगढ़ युवा सूचना क्रांति योजना के तहत् स्नातक आखरी साल के 731 नियमित पढ़ईया लईका मन ल टैबलेट वितरण करिस। आयोजन म छात्र-छात्रा मन ल सम्बोधित करत श्री चन्द्राकर ह कहिन कि पढ़ईया लईका मन ल पेशेवर बनाए, वैश्विक भूमिका बर तैयार करे के प्रयास के फलस्वरूप छत्तीसगढ़ युवा सूचना क्रांति योजना के तहत् ये वाले टैबलेट वितरण करे जात हे। उमन पढ़ईया लईका मन ल एकर सही उपयोग करे के अपील करिन। 
उमन मुख्य अतिथि के आसंदी ले स्वतंत्रता संग्राम के राष्ट्रीय आंदोलन म धमतरी जिला के भागीदारी के जिक्र करिन। उमन, जिंकर नाम ले महाविद्यालय संचालित हे, उंखर स्वतंत्रता आंदोलन म बाबू छोटेलाल श्रीवास्तव के भूमिका संग पंडित सुंदरलाल शर्मा, श्री नारायण राव मेघावाले के योगदान के उल्लेख करिन। उमन पढ़ईया लईका मन ल पी.एच.डी. करे बर घलोक प्रोत्साहित करिन।  
कार्यक्रम ल विधायक धमतरी श्री गुरूमुख सिंह होरा ह घलोक सम्बोधित करिस। श्री होरा ह पढ़ईया लईका मन के बेहतर भविष्य के कामना करिस अऊ टैबलेट के सही उपयोग करे ल कहिन। सभा ल महापौर श्रीमती अर्चना चौबे अऊ जिला पंचायत अध्यक्ष श्री रघुनंदन साहू ह घलोक सम्बोधित करिन। प्राचार्य श्री सी.एस.चौबे ह बताइन कि योजना के तहत् साल 2016-17 म महाविद्यालय के स्नातक आखरी साल के 731 पढ़ईया लईका मन ल टैबलेट देहे जात हे। एखर ले पहिली स्नातकोत्तर आखरी साल के 220 पढ़ईया लईका मन ल टैबलेट देहे जा चुके हे। कार्यक्रम म जनप्रतिनिधि, शिक्षकगण अऊ छात्र-छात्रा मन बड़ संख्या म उपस्थित रहिन।

Post a Comment

0 Comments