राजाढार जलाशय अऊ भोरमदेव सकरी फीडर नहर विस्तार बर 7.65 करोड़ रूपिया स्वीकृत

रायपुर, 08 जुलाई 2017। राज्य शासन कोति ले कबीरधाम जिला के बोड़ला  विकासखण्ड म राजाढार जलाशय अऊ भोरमदेव सकरी फीडर नहर विस्तार बर सात करोड़ 65 लाख रूपिया ले जादा राशि के स्वीकृति प्रदान करे गए हे। एमां जलाशय निर्माण बर चार करोड़ 38 लाख 60 हजार रूपिया अऊ नहर विस्तार बर तीन करोड़ 26 लाख 81 हजार रूपिया सामिल हे। जल संसाधन विभाग ह ए आशय के आदेश इहां मंत्रालय ले जारी कर देहे हे। जलाशय निर्माण ले 150 हेक्टेयर क्षेत्र म अऊ नहर विस्तार ले 770 हेक्टेयर क्षेत्र म खरीफ मौसम म सिंचाई सुविधा मिल सकही।

Post a Comment

0 Comments