पर्यटन मंत्री श्री दयालदास बघेल 8 जुलाई के दिन बुलेट बाइक रायडिंग के शुभारंभ करहीं

रायपुर, 06 जुलाई 2017। छत्तीसगढ़ पर्यटन मंडल से सिक्स्थ गेयर रायडर क्लब रायपुर के संग मिलके बुलेट बाईक रायडिंग के आयोजन करे जात हे। पर्यटन मंत्री श्री दयालदास बघेल एकर शुभारंभ 08 जुलाई के दिन बिहनिया 7 बजे इहां रायपुर म महंत घासीदास संग्रहालय परिसर स्थित छत्तीसगढ़ पर्यटन मंडल के सूचना केन्द्र गढ़हटरी ले हरियर झंडी दिखाके रवाना करहीं। ए अवसर म पर्यटन मंडल के अध्यक्ष श्री संतोष बाफना, उपाध्यक्ष श्री केदार गुप्ता घलोक उपस्थित रहिहीं। 
इस बाईक रायडिंग म करीबन 50 बाईक रायडर्स हिस्सा लेहीं। ये रायडिंग रायपुर ले सरोधादादर (चिल्फी घाटी) तक आयोजित होहीं। पर्यटन मंडल कोति ले प्रदेश के युवा मन ल एडवेंचर पर्यटन के क्षेत्र म आकर्षित करे बर ए बाईक रायडिंग के आयोजन करे जात हे। बाईक रायडर्स ल सरोधादादर स्थित छत्तीसगढ़ पर्यटन मंडल के बैगा पर्यटक रिसोर्ट म ठहराए जाही। ए रायडर्स ल वाटर रैपलिंग अऊ ट्रेकिंग कराए जाही। बाईक रायडिंग म हिस्सा लेहे के इच्छुक युवा सिक्स्थ गेयर रायडर क्लब तेलीबांधा रायपुर ले या छत्तीसगढ़ पर्यटन मंडल उद्योग भवन, रिंग रोड रायपुर ले सम्पर्क कर सकत हें।  

Post a Comment

0 Comments