जीएसटी उपर 9 जुलाई के दिन रायपुर म एक दिवसीय कार्यशाला

केन्द्रीय वित्त मंत्री श्री जेटली होही मुख्य अतिथि
मुख्यमंत्री के अध्यक्षता म होही कार्यक्रम
रायपुर, 08 जुलाई 2017। केन्द्रीय वित्त अऊ रक्षा मंत्री श्री अरूण जेटली कल इतवार 09 जुलाई के दिन इहां जीएसटी उपर आयोजित एक दिवसीय कार्यशाला म मुख्य अतिथि के रूप म सामिल होहीं। कार्यक्रम के अध्यक्षता मुख्यमंत्री डॉ. रमन सिंह करहीं। प्रदेश के वाणिज्यिक-कर मंत्री श्री अमर अग्रवाल येमां विशेष अतिथि के रूप म सामिल होहीं। राज्य सरकार के वाणिज्यिक-कर-जीएसटी विभाग कोति ले ए कार्यक्रम के आयोजन माना विमानतल मार्ग स्थित होटल बेबीलोन इंटरनेशनल म करे जात हे। 
कार्यशाला म बिहनिया 10.30 ले 12.30 बजे तक जीएसटी के महत्वपूर्ण विषय जइसे पंजीयन, कम्पोजिशन, ट्रांजिशन, इनवाईस अउ सर्विस टैक्स के बारे म प्रस्तुतिकरण, सामूहिक चर्चा अऊ प्रश्नोत्तर के सत्र होही। मंझनिया के जेवन के बाद 1.45 बजे केन्द्रीय वित्त मंत्री श्री जेटली अऊ मुख्यमंत्री डॉ. रमन सिंह के स्वागत होही। प्रदेश के वाणिज्यिक-कर मंत्री श्री अमर अग्रवाल मंझनिया 1.50 बजे अऊ मुख्यमंत्री डॉ. रमन सिंह मंझनिया दू बजे अपन उदबोधन देंहीं। केन्द्रीय वित्त मंत्री श्री अरूण जेटली मंझनिया 2.20 बजे ले तीन बजे तक कार्यशाला ल सम्बोधित करहीं।

Post a Comment

0 Comments