छत्तीसगढ़ राजभाषा आयोग दुआरा लोक व्यवहार अउ कार्यालयीन छत्तीसगढ़ी के प्रशिक्षण

छत्तीसगढ़ राजभाषा आयोग दुआरा लोक व्यवहार अउ कार्यालयीन छत्तीसगढ़ी के प्रशिक्षण कार्यक्रम जिला पंचायत कार्यालय कबीरधाम (कवर्धा) म सम्पन्न होइस । कार्यशाला के माई पहुना डॉ विनय कुमार पाठक अध्यक्ष छत्तीसगढ़ राजभाषा आयोग अउ अध्यक्ष श्री सर्वेश्वर नरेंद्र भूरे सी ई ओ जिला पंचायत कबीरधाम रहिन। आयोग के सचिव डॉ सुरेंद्र दुबे अउ डॉ सुधीर शर्मा प्रशिक्षण दिहिन।
श्री गणेश सोनी 'प्रतीक' सदस्य आयोग दुआरा सुआगत अउ श्री कौशल साहू 'लक्ष्य' सफल संचालन करिन। ए मउका म जिला के अधिकारी अउ कर्मचारी मन लोक व्यवहार अउ कार्यालयीन छत्तीसगढ़ी के प्रशिक्षण लिहिन्। डॉ. विनय कुमार पाठक अध्यक्ष दुआरा कर्मचारी मन ल लोक व्यवहार म छत्तीसगढ़ी भाखा के उपयोग करे के बारे म बताय गइस अउ छत्तीसगढ़ी म कामकाज करे बर कर्मचारी मन के कई ठन शंका के समाधान प्रश्नोत्तर के माध्यम ले करिन। ए मउका म श्री राघवेन्द्र दुबे , विवेक तिवारी अउ आयोग के कर्मचारी मन उपस्थित रहिन।

Post a Comment

0 Comments