हरियर छत्तीसगढ़ अभियान के तहत सरई महोत्सव

नीम, पीपल अऊ तुलसी बनके स्कूली लइका मन ह करिन औषधीय पौधा मन के बखान
रायपुर, 20 जुलाई 2017। हरियर छत्तीसगढ़ वृक्षारोपण महाअभियान के तहत राजधानी रायपुर के नजदीक ग्राम डुमरतराई स्थित शासकीय हायर सेकेण्डरी स्कूल परिसर म साल वृक्ष मन के संवर्धन बर सरई संवर्धन महोत्सव के आयोजन करे गीस। कार्यक्रम म स्कूली लइका मन बर औषधीय पौधा अऊ साल वृक्ष मन के विशेषता मन उपर भाषण प्रतियोगिता घलोक आयोजित करे गइस। लइका मन ह नीम, पीपल अऊ तुलसी बनके ऊंखर औषधीय गुण मन के बखान करिन। छत्तीसगढ़ राज्य औषधीय पादप बोर्ड के अध्यक्ष श्री रामप्रताप सिंह ह महोत्सव के शुभारंभ करिन। ए अवसर म कई ठन प्रजाति मन के औषधीय पौधा घलोक वितरित करे गीस। कार्यक्रम म राज्य वन विकास निगम के अध्यक्ष श्री श्रीनिवास मद्दी, राज्य औषधीय पादप बोर्ड के उपाध्यक्ष श्री जे.पी. शर्मा अऊ आन संबंधित वरिष्ठ अधिकारी, स्कूल के विद्यार्थी अऊ शिक्षक अउ स्थानीय ग्रामीण बड़ झन उपस्थित रहिन। राज्य औषधीय पादप बोर्ड के अधिकारी मन ह बताइन कि काल 21 जुलाई ले 28 जुलाई तक प्रदेश भर म साल (सरई) संवर्धन महोत्सव के घलोक आयोजन करे जाही। एखर अंतर्गत साल बीज मन के दुबारा उत्पादन के पारंपरिक पद्धति के प्रचार-प्रसार घलोक करे जाही। औषधीय महत्व के पौधा घलोक वितरित करे जाही।

Post a comment