छत्तीसगढ़ म भारी वर्षा के चेतावनी केन्द्रीय गृह मंत्रालय ह जरूरी कदम उठाए के निर्देश दीस

रायपुर, 19 जुलाई 2017। केन्द्रीय गृह मंत्रालय नई दिल्ली ले छत्तीसगढ़ सरकार ल आज मिले फैक्स संदेश म बताए गए हे कि बंगाल के खाड़ी म कम दबाव के क्षेत्र निर्मित होए के सेती अवइया 24 घण्टा के भीतर छत्तीसगढ़ के कुछ इलाका मन म घलोक भारी वर्षा के चेतावनी दे गए हे। गृह मंत्रालय ह छत्तीसगढ़ संग मध्यप्रदेश, ओड़िशा, आंध्रप्रदेश अऊ तेलांगाना राज्य के मुख्य सचिव मन ल पठोए फैक्स संदेश म ए राज्य मन म भारी वर्षा के संभावना व्यक्त करे हें अऊ अपन परामर्श म जनजीवन के सुरक्षा बर सबो जरूरी कदम उठाए के निर्देश दिए हें। ए बीच मुख्यमंत्री डॉ. रमन सिंह ह घलोक काली मंझनिया इहां मंत्रालय (महानदी भवन) म वरिष्ठ अधिकारी मन के बैठक लेके राज्य के सबो जिला मन म करे जात राहत अऊ आपदा प्रबंधन के अग्रिम तैयारी मन के समीक्षा करिन। 

Post a Comment

0 Comments