हरियर छत्तीसगढ़ : छत्तीसगढ़ राज्य औषधीय पादप बोर्ड कोति ले औषधीय पौधा मन के बंटई चालू


  • बोर्ड कार्यालय म अध्यक्ष श्री सिंह अउ उपाध्यक्ष डॉ. शर्मा ह करिस शुभारंभ
  • शहर के छै शासकीय विद्यालय अऊ आठ सार्वजनिक जघा मन म बंटही औषधीय पौधा
  • पूरा प्रदेश म वनमंडल मन के रोपणी मन म बांटें जाही औषधीय पौधा
  • औषधीय पौधा मन बर स्कूल, कॉलेज, संस्‍था मन अऊ पर्यावरण परेमी मन ल देना होही वन मंडल अउ बोर्ड कार्यालय म आवेदन 

रायपुर, 19 जुलाई 2017। छत्तीसगढ़ म काल 20 जुलाई ले शुरू होवत वृक्षारोपण महाभियान ’हरियर छत्तीसगढ़’ के तहत छत्तीसगढ़ राज्य औषधीय पादप बोर्ड कोति ले सात लाख औषधीय पौधा वितरित करे के कार्यक्रम बनाय गए हे। बोर्ड के अध्यक्ष श्री रामप्रताप सिंह अउ उपाध्यक्ष डॉ.जे.पी. शर्मा ह आज संझा चार बजे बोर्ड कार्यालय म आयोजित समारोह म पौधा बंटई के शुभारंभ करिन। ए अवसर म अध्यक्ष अऊ उपाध्यक्ष ह आम नागरिक मन ल औषधीय पौधा लगाए, ओखर देखभाल करे के जिम्मेदारी लेहे के अपील करत कहिन कि औषधीय पौधा हमार जीवन के रक्षा करथे। 
कार्यक्रम म बताइए गीस कि बोर्ड कार्यालय ले 20 जुलाई के बिहनिया 9 बजे प्रचार अउ औषधीय पौधा बंटई वाहन मन ल हरी झण्डी देखाके रवाना करे जाही। ये वाहन शहर के छै शासकीय विद्यालय, आठ सार्वजनिक जघा मन म पूरा दिन पौधा मन के बंटई करही। हरियर छत्तीसगढ़ के अंतर्गत 20 जुलाई के मंझनिया तीन बजे शासकीय उच्चतर माध्यमिक विद्यालय डुमरतराई म हर्बल गार्डन वृक्षारोपण अऊ साल संवर्धन महोत्सव के आयोजन बोर्ड के अध्यक्ष श्री रामप्रताप सिंह के मुख्य आतिथ्य म करे जाही। 
छत्तीसगढ़ राज्य औषधीय पादप बोर्ड के अधिकारी मन ह आज इहां बताइन कि औषधीय पौधा लेहे बर कोनो संस्था, स्कूल, कॉलेज अऊ पर्यावरण परेमी मन ल वन मंडल या बोर्ड कार्यालय म आवेदन करना होही। संस्था मन संग आम जनता ल पौधा देहे बर प्रदेश के सबो वनमंडल मन ल निर्देश जारी करे गए हे। संस्‍था या नागरिक औषधीय पउधा अपन तीर के नर्सरी मन ले ले सकत हें। ए बारे म विस्तृत जानकारी राज्य औषधीय पादप बोर्ड के फोन नम्बर 0771-2522056 अऊ मोबाइल नम्बर 99818-35527 म पाए जा सकत हे। 
औषधीय पौधा मन के बंटई बर रोपणी मन के सूची घलोक जारी करे गए हे, जेखर अनुसार रायपुर वनमंडल के परिक्षेत्र नवा रायपुर के रोपणी झांझ, पश्चिमी भानुप्रतापपुर वनमंडल के परिक्षेत्र कापसी के रोपणी गीतांजलि अऊ कापसी, बस्तर वन मंडल के बकावण्ड परिक्षेत्र के आसना रोपणी, बलौदाबाजार वनमंडल के परिक्षेत्र के कक्ष नंबर 282 अऊ वन रोपणी देवपुर, बलौदाबाजार परिक्षेत्र म धमनी अऊ लटुवा रोपणी, कोरबा वन मंडल के कोसाबाड़ी रोपणी पी. 2000, धमतरी वनमंडल के बिरगुड़ी परिक्षेत्र के कोलियारी रोपणी अऊ धमतरी परिक्षेत्र के मानव वन गंगरेल रोपणी ले औषधीय पौधा पाए जा सकत हे। 
हरियर छत्तीसगढ़ अभियान के तहत निरधारित नर्सरी मन म सतावर, अश्वगंधा, गिलोय, एलोविरा, तुलसी, नीम, पत्थर चट्टा, अडू़सा, गुढ़मार, आंवला, जामुन, अर्जुन, बेल, हर्रा, बहेड़ा, सिंदूरी, कचनार, मुनगा, महुआ, अमलतास, निगुण्डी, रीठा, ब्राम्ही, स्टीविया, सर्पगंधा, कालमेघ, कंवाच, चार बीच, चार बीज, मंडूकपर्णी, वच, केवकंद, रक्तचंदन, हड़जोड़, पुत्रनजीवा अउ मालकांगणी के पौधा वितरित करे जाही।

Post a Comment

0 Comments