स्कूल शिक्षा मंत्री के संग भिलाई इस्पात संयंत्र के अधिकारी मन के बैठक

दल्लीराजहरा-रावघाट रेल परियोजना संग कई ठन विषय म विचार विमर्श
रायपुर, 24 जुलाई 2017। स्कूल शिक्षा अऊ आदिम जाति विकास मंत्री श्री केदार कश्यप ह आज इहां मंत्रालय (महानदी भवन) स्थित अपन कार्यालय कक्ष म भिलाई इस्पात संयंत्र के अधिकारी मन के संग बैठक म दल्लीराजहरा-रावघाट-जगदलपुर रेलमार्ग परियोजना के प्रगति के बारे म विचार-विमर्श करिन। उमन रावघाट परियोजना के तहत, नारायणपुर म गेस्ट हाउस निर्माण, ग्राम कनेरा म टाउनशिप निर्माण, गुदूम ले भानुप्रतापपुर ल जोरइया रेल लाईन के निर्माण आदि विकासमूलक योजना मन म विस्तार ले जानकारी लीन। अधिकारी मन ह ओ मन ल बताइन कि दल्ली राजहरा ले गुदुम तक करीबन 17 किलोमीटर रेल मार्ग के निर्माण पूरा हो गए हे, जेमां पैसेंजर ट्रेन घलोक चलत हे। 
एखर संगेच गुदुम ले भानुप्रतापपुर ल जोड़ने बर रेल मार्ग के निर्माण दिसम्बर 2017 तक अऊ केवटी तक 76 किलोमीटर रेल मार्ग साल 2019 तक पूरा करे के लक्ष्य हे। कई ठन चरण मन म निर्माण काम प्रगति म हे। श्री कश्यप ह भिलाई इस्पात संयंत्र के अधिकारी मन ले नारायणपुर जिला म संयंत्र प्रबंधन कोति ले कार्पोरेट सामाजिक जिम्मेदारी (सीएसआर) मद ले प्रस्तावित काम मन के बारे म घलोक विचार विमर्श करिन। ए मद म संयंत्र प्रबंधन के तरफ ले एक करोड़ 23 लाख रूपिया के धनराशि के प्रस्ताव हे। ए अवसर म भिलाई स्टील प्लांट के अधिकारी श्री ए.के. तिवारी, श्री सी.दयानंद अउ श्री सचिन रंगारी उपस्थित रहिन।
मुख्यमंत्री आज नई दिल्ली जाही, नवा राष्ट्रपति श्री कोविंद के शपथ समारोह म सामिल होहीं
बी.एस-सी. कृषि-उद्यानिकी पाठ्यक्रम के खाली सीट मन म प्रवेश बर दूसर काउंसिलिंग 26 जुलाई ले
खरीफ मौसम 2017 किसान मन ल 6.70 लाख मीटरिक टन ले जादा खाद वितरित
मुख्यमंत्री ह प्रसिद्ध अंतरिक्ष वैज्ञानिक प्रो. यू.आर. राव के निधन म गहरा दुःख व्यक्त करिस
मंत्री परिषद के बैठक म लेहे गए महत्वपूर्ण निर्णय

Post a Comment

0 Comments