मुख्यमंत्री ह प्रसिद्ध अंतरिक्ष वैज्ञानिक प्रो. यू.आर. राव के निधन म गहरा दुःख व्यक्त करिस

रायपुर, 24 जुलाई 2017। छत्तीसगढ़ के मुख्यमंत्री डॉ. रमन सिंह ह देश के सुप्रसिद्ध अंतरिक्ष वैज्ञानिक अऊ भारतीय अंतरिक्ष अनुसंधान संगठन (इसरो) के पहिली अध्यक्ष प्रोफेसर यू.आर.राव के निधन म गहरा दुख व्यक्त करे हे। डॉ. रमन सिंह ह आज इहां जारी शोक संदेश म कहे हें कि पद्म भूषण अऊ पद्म विभूषण के राष्ट्रीय अलंकरण मन ले सम्मानित प्रोफेसर यू.आर.राव ह अंतरिक्ष विज्ञान के क्षेत्र म भारत ल नवा बुलंदि मन तक पहुंचाए म अपन महत्वपूर्ण योगदान देहे हें। डॉ. रमन सिंह ह भारत के अंतरिक्ष टेक्नॉलाजी म ऊंखर योगदान ल याद करत कहिन कि प्रोफेसर राव के नेतृत्व म साल 1975 म देश के पहिली भू-उपग्रह आर्यभट्ट के प्रक्षेपण करे गए रहिस। प्रोफेसर यू.आर. राव भारत के मंगलग्रह मिशन के परियोजना ले घलोक जुड़े रहिन। मुख्यमंत्री ह कहिन कि ऊंखर देहावसान ले देश ह एक बहुत प्रतिभावान अंतरिक्ष वैज्ञानिक ल हमेशा बर खो देहे हे। डॉ. सिंह ह स्वर्गीय प्रोफेसर यू.आर. राव के शोक संतप्त कुटुंब के प्रति संवेदना प्रकट करे हें अऊ देवंगत आत्मा के शांति बर ईश्वर ले प्रार्थना करे हें।

Post a Comment

0 Comments