मुख्यमंत्री आज नई दिल्ली जाही, नवा राष्ट्रपति श्री कोविंद के शपथ समारोह म सामिल होहीं

रायपुर, 24 जुलाई 2017। मुख्यमंत्री डॉ. रमन सिंह 25 जुलाई अऊ 26 जुलाई के दिन नई दिल्ली अऊ 29 जुलाई के दिन भोपाल म आयोजित कई ठन कार्यक्रम मन म सामिल होहीं। डॉ. सिंह मंगलवार 25 जुलाई के दिन राजधानी रायपुर ले बिहनिया 7.45 बजे नियमित विमान ले रवाना होके 9.20 बजे नई दिल्ली पहुंचहीं अऊ मंझनिया 12.15 बजे संसद भवन के केन्द्रीय कक्ष म देश के नवा राष्ट्रपति श्री रामनाथ कोविंद के शपथ ग्रहण समारोह म सामिल होहीं। मुख्यमंत्री रात्रि थिरावन नवा दिल्ली म करहीं। ओ मन आघू दिन 26 जुलाई को बिहनिया 11 बजे उहां लोधी रोड स्थित भाभा ऑडिटोरियम म हिन्दी दैनिक ’जागरण’ कोति ले आयोजित कार्यक्रम म सम्मिलित होहीं। 
नई दिल्ली म रात्रि थिरावन के बाद मुख्यमंत्री आघू दिन 27 जुलाई ले उहां ले नियमित विमान से रवाना होके मंझनिया एक बजे रायपुर आहीं। ओ मन 28 जुलाई के दिन रायपुर ले रात 8.05 बजे नियमित विमान ले 9.10 बजे भोपाल पहुंचहीं अऊ आघू दिन 29 जुलाई के दनि उहां राष्ट्रीय हरित न्यायाधिकरण (नेशनल ग्रीन ट्रिब्यूनल) कोति ले आयोजित सम्मेलन म हिस्सा लेंहीं। सम्मेलन के आयोजन भोपाल के शाहपुरा स्थित नरोन्हा प्रशासन अकादमी के स्वर्ण जयंती सभाकक्ष म करे जाही। डॉ. सिंह सम्मेलन म सामिल होए के बाद 29 जुलाई के दिन भोपाल ले मंझनिया 1.50 बजे हेलीकॉप्टर ले रवाना होके 2.50 बजे इंदौर विमानतल आहीं अऊ उहां ले मंझनिया 3.25 बजे नियमित विमान ले रायपुर बर रवाना होहीं। मुख्यमंत्री संझा 4.50 बजे रायपुर पहुंचहीं।  

Post a Comment

0 Comments