केन्द्रीय पंचायत राज मंत्रालय कोति ले विकसित सॉफ्टवेयर्स के तकनीकी जानकारी बर कार्यशाला शुरू

पश्चिम बंगाल, उड़ीसा, झारखंड, बिहार, गुजरात अऊ छत्तीसगढ़ के प्रतिभागी सामिल
रायपुर, 31 जुलाई 2017। केन्द्रीय पंचायत राज मंत्रालय, नई दिल्ली कोति ले पंचायती राज व्यवस्था अंतर्गत पारदर्शिता अउ तकनीकी ल बढ़ावा देहे के उद्देश्य ले विकसित सॉफ्टवेयर्स म क्षेत्रीय प्रशिक्षण सह कार्यशाला आज इहां शुरू हो गीस। ठाकुर प्यारेलाल राज्य पंचायत अउ ग्रामीण विकास संस्थान, निमोरा, रायपुर म आयोजित छह दिवसीय कार्यशाला के शुभारम्भ छत्तीसगढ़ शासन, पंचायत अउ ग्रामीण विकास विभाग के सचिव अउ संस्थान के संचालक श्री पी. से. मिश्रा ह करिस। कार्यशाला पांच अगस्त तक चलही। ए अवसर म केन्द्रीय पंचायती राज मंत्रालय के अधिकारी श्री सुबोध गुर्जर अउ दिल्ली एन.आई.सी. टीम के सदस्य श्री संजय जोशी, श्री गौरव अउ प्रशिक्षण समन्वयक श्री अशोक कुमार जायसवाल संग छै राज्य मन सरलग पश्चिम बंगाल, उड़ीसा, झारखंड, बिहार, गुजरात अउ छत्तीसगढ़ के करीबन 50 प्रतिभागी सामिल होइन।
कार्यशाला म केन्द्रीय पंचायती राज मंत्रालय कोति ले विकसित बारह मुख्य सॉफ्टवेयर्स जइसे- प्लान प्लस, प्रिया सॉफ्ट, एक्शन सॉफ्ट, सर्विस डिलवरी, पंचायत नॉलेज पोर्टल, जियो-टैगिंग अउ पंचायत पुरस्कार म प्रतिभागी मन ल प्रशिक्षण घलोक दे जाही। प्रशिक्षण सह कार्यशाला ल सम्बोधित करत श्री मिश्रा ह कहिन कि ‘‘वर्तमान परिदृश्य म पंचायत के ऑडिट, बजट, लेखा, संधारण अउ आन प्रक्रिया मन म पारदर्शिता अउ समयबद्धता के दृष्टिकोण ले तकनीकी के उपयोग बढ़े हे। केन्द्रीय पंचायती राज मंत्रालय, नवा दिल्ली से ए दिशा म विकसित करे गए सॉफ्वेयर्स काफी सार्थक होए हे। ए प्रशिक्षण के माध्यम ले आप मन ल मैदानी क्षेत्र मन म कई ठन पंचायती राज ले जुड़े योजना मन के व्यवहारिक अनुभव ल सॉफ्टवेयर आधारित तकनीकी ज्ञान ले जोड़े म मदद मिलही। आप मन सबो अपन-अपन राज्य मन के अनुभव ल कार्यशाला म रखहीं। एखर ले सबो ल सीखे अऊ समझे म आसानी होही। कार्यशाला म केन्द्रीय पंचायत राज मंत्रालय के अधिकारी मन अऊ एन.आई.सी. टीम के सदस्य मन ह प्रिया-सॉफ्ट के कई ठन तकनीकी पहलु मन म विस्तार ले प्रस्तुतिकरण दिए गीस।

Post a Comment

0 Comments