युवा कैरियर निर्माण योजना: सिविल सेवा परीक्षा के तैयारी बर कोचिंग संस्थान मन म प्रवेश बर आखरी चयन सूची जारी

रायपुर, 20 जुलाई 2017। युवा कैरियर निर्माण योजना के तहत संघ लोक सेवा आयोग अउ राज्य लोक सेवा आयोग के सिविल सेवा परीक्षा के तैयारी मन बर राज्य स्थित कोचिंग म भरती बर साल 2017-18 खातिर आखरी चयन सूची जारी कर दे गए हे। चयन सूची परीक्षा अउर काउंसिलिंग के आधार म कार्यालय आयुक्त आदिम जाति अउ अनुसूचित जाति विकास छत्तीसगढ़ नवा रायपुर ले जारी करे गए हे। चुने गए अभ्यर्थि मन के सूची अउ प्रतीक्षा सूची विभागीय वेबसाइट म देहे हे।
विभागीय अधिकारी मन ह बताए हें कि सबो पात्र अभ्यर्थि मन ल सेट कोचिंग सेंटर म वांछित असली प्रमाण पत्र/अभिलेख अउ सत्यापित प्रति मन के संग उपस्थित होके प्रवेश के कार्यवाही लउहे पूरा करना होही। कोचिंग संस्था मन म प्रवेश के प्रक्रिया युवा कैरियर निर्माण योजना 2015 के अधीन पूरा करे जाही। योजना अंतर्गत निहित प्रावधान अनुसार कोचिंग संस्था ल प्रशिक्षण शुल्क के प्रतिपूर्ति अनुबंधित दर के 20 प्रतिशत राशि अभ्यर्थी अऊ 80 प्रतिशत राशि शासन कोति ले वहन करे जाही। अधिकारी मन ह ये घलोक बताइन कि सिविल सेवा प्रोत्साहन योजना के तहत लाभान्वित अभ्यर्थि मन ल योजना नियम अनुसार प्रशिक्षण के सुविधा प्राप्त करना होही तो ओ मन ल सिविल सेवा प्रोत्साहन योजना के तहत प्रदत्त राशि वापस करना होही। 

Post a Comment

0 Comments