खाद्य मंत्री श्री मोहले ह करिस दुर्गम क्षेत्र मन म रसोई गैस वितरण अऊ गोदाम निर्माण के समीक्षा

बरसात म चावल के सुरक्षित भण्डारण के निर्देश  
रायपुर, 19 जुलाई 2017। खाद्य, नागरिक आपूर्ति अऊ उपभोक्ता संरक्षण मंत्री श्री पुन्नूलाल मोहले ह काल इहां मंत्रालय (महानदी भवन) म राज्य के दुर्गम क्षेत्र मन म रसोई गैस वितरण अऊ गोदाम निर्माण के समीक्षा करिन। उमन प्रधानमंत्री उज्जवला योजना के तहत जादा ले जादा पात्र हितग्राही मन ल रसोई गैस कनेक्शन दे बर पंचायत मन के माध्यम ले बहुत अकन फार्म देहे के निर्देश दीन। श्री मोहले ह बरसात म सार्वजनिक वितरण प्रणाली के तहत चावल के सुरक्षित भण्डारण के घलोक निर्देश दीन। उमन कहिन कि बरसात म चावल ल सुरक्षित रखव ताकि नमी-सीलन आदि के कारण चावल के गुणवत्ता प्रभावित झन होवय। बैठक म सचिव खाद्य श्रीमती ऋचा शर्मा ह बताइस कि प्रधानमंत्री उज्जवला योजना के तहत राज्य के दुर्गम क्षेत्र मन म गैस सिलेण्डर के आपूर्ति सुनिश्चित करे बर पहिली चरण म 19 जिला मन म 50 स्थान मन म वितरक नियुक्त करे जात हे। उमन बताइन कि सहकारिता विभाग से 50 स्थान मन उपर गोदाम के निर्माण कराय जात हे। एमां 48 गोदाम पूरा हो गए हे। 12 जघा मन म गैस सिलेण्डर के भण्डारण घलोक शुरू हो गए हे। एमां बस्तर जिला म करपावण्ड, बीजापुर जिला म आवापल्ली अउर कुटरू, दक्षिण बस्तर (दंतेवाड़ा) जिला म बारसूर अउर कटेकल्याण, कबीरधाम जिला म कुक्दुर, महासमुंद जिला म कोमाखान, सिरपुर अउ पटेवा, बलौदाबाजार-भाटापारा जिला म बया, सरगुजा जिला म सरभंजा अऊ सुरजपुर जिला म गोविंदपुर सामिल हे। बैठक म संचालक खाद्य श्री डोमन सिंह घलोक उपस्थित रहिन।

Post a Comment

0 Comments