पंचायत मंत्री ह गांव के सियान किसान ले करवाइस हेचरी के लोकार्पण

मछुआरा मन ल जादा आत्म निर्भर बनाए कौशल उन्नयन जरूरी: श्री चन्द्राकर 

रायपुर, 28 जुलाई 2017। पंचायत अउ ग्रामीण विकास मंत्री श्री अजय चंद्राकर ह गांव के बुजुर्ग किसान के हाथ एक करोड़ 66 लाख रूपिया के लागत ले बने मछरी बीज हेजरी के लोकार्पण करवाइस। मुख्य अतिथि के आसंदी ले समारोह ल सम्बोधित करत श्री अजय चन्द्राकर ह कहिन कि मछुआरा मन ल जादा आत्म निर्भर बनाए बर कौशल उन्नयन जरूरी हे। उमन कहिन कि आधुनिक तकनीक ले मछलीपालन करे म मछुआरा मन ल जादा फायदा होही। ऊंखर कौशल उन्नयन बर सरकार घलोक ओ मन ल हर संभव मदद करही। कुरूद के विधायक आदर्श ग्राम परखंदा म 7.09 हेक्टेयर जलक्षेत्र म माछरी बीज हेचरी के निर्माण करे गए हे। ए अवसर म उमन पांच मत्स्यपालक मन ल 25-25 लाख मछली बीज स्पान के वितरण करिन, संगेच मछुआ समिति मन के 10 सदस्य मन ल मछुआ घर निर्माण योजनांतर्गत दूसर किश्त के राशि 25-25 हजार रूपिया के चेक वितरित करिन।

श्री चंद्राकर ह गांव वाले मन अऊ मत्स्यपालन ले जुड़े किसान मन ल संबोधित करत कहिन कि मुख्यमंत्री डॉ. रमन सिंह के नेतृत्व म सरकार कोति ले  मछली पालक मन के कल्याण बर बहुत अकन योजना बनाय गए हे, फेर अब सिरिफ विकास केच नहीं, समावेशी विकास के बारे म मनखे मन ल सोचना चाही। उमन कहिन कि सरकार साधन अऊ संसाधन जुटा सकत हे, फेर सामाजिक, आर्थिक अऊ सर्वांगीण विकास बर मछुआरा मन ल जादा आत्म निर्भर बनाए बर कौशल उन्नयन के जरूरत हे। श्री चंद्राकर ह पाण्डुरंग आठवले के स्वाध्याय आंदोलन के स्मरण करत मछुआ समाज ल अपन पारम्परिक व्यवसाय ल कौशल के संगें संग नवा तकनीकी दक्षता हासिल कर के काम करे के आव्हान करिन। एखर अलावा उमन मनखे मन ल नशामुक्त, शिक्षित, स्वस्थ अऊ सुपोषित समाज निर्माण करे म सहयोगी बने के घलोक अपील करिन। उमन किसान मल ल निकट भविष्य म कृषि के संगें-संग उद्यानिकी, पशुपालन अऊ मछलीपालन के क्षेत्र म नवाचारी विकास कार्य करे के बात कहिन। जिला पंचायत अध्यक्ष श्री साहू ह घलोक कार्यक्रम ल संबोधित करिस।
ए दौरान पंचायत मंत्री संग  आन अतिथि मन ह हेचरी के अवलोकन करिन अऊ  परिसर म पौधा घलोक रोपिन। आप मन जानतेच होहू कि विधायक आदर्श ग्राम परखंदा म मछलीपालन विभाग कोति ले 7.09 हेक्टेयर (लगभग 17 एकड़) क्षेत्र म मत्स्यबीज हेचरी के निर्माण एक करोड़ 66 लाख 31 हजार रूपिया के लागत ले करे गए हे। एखर स्थापना ले एक करोड़ स्टे फ्राई के अकतहा उत्पादन होही। एखर निर्माण ले कुरूद अऊ मगरलोड के मछलीपालक मन ल गुणवत्तायुक्त मत्स्यबीज शासकीय दर म सुगमता ले मिल सकही। एखर ले मगरलोड अउ कुरूद के 1676 हेक्टयेर जलक्षेत्र म मछलीपालन के काम होही, जेखर से 2557 हितग्राही लाभान्वित होही। ए अवसर म जिला पंचायत धमतरी अध्यक्ष श्री रघुनंदन साहू, सदस्य श्री फत्तेलाल ध्रुव, जनपद पंचायत कुरूद के अध्यक्ष श्रीमती पूर्णिमा साहू, कलेक्टर डॉ. से.आर. प्रसन्ना, जिला पंचायत के से.ई.ओ. श्री विनीत नंदनवार, क्षेत्रीय  जनप्रतिनिधि संग बड़ संख्या म मछलीपालक अऊ ग्रामीण मौजूद रहिन।


Post a Comment

0 Comments