संस्कृत विद्वान मन बर पुरस्कार योजना : प्रस्ताव अऊ आवेदन एक अगस्त तक आमंत्रित

छत्तीसगढ़ संस्कृत विद्यामंडलम् कोति ले महान विभूति मन के नाम म दीन जाही पांच पुरस्कार
रायपुर, 23 जुलाई 2017। संस्कृत भाखा ल बढ़ावा देहे बर राज्य सरकार के संस्था छत्तीसगढ़ संस्कृत विद्यामंडलम् कोति ले पुरस्कार योजना शुरू करे गए हे। ए योजना के तहत पाछू साल जइसे ए साल घलोक महान विभूति मन के नाम म पांच पुरस्कार दिए जाही। संस्कृत सम्मान के रूप म देहे जाने वाला ए पुरस्कार मन बर संस्कृत विद्यामंडलम् कोति ले प्रस्ताव अऊ आवेदन एक अगस्त 2017 तक आमंत्रित करे गए हे। ए पुरस्कार मन म महर्षि वाल्मीकि सम्मान, ऋष्यश्रृंग सम्मान, लोमश ऋषि सम्मान, कौशल्या सम्मान अऊ महर्षि वेदव्यास सम्मान सामिल हे। 
संस्कृत विद्या मंडलम् के अधिकारी मन ह आज इहां बताइन कि महर्षि वाल्मीकि सम्मान राज्य के अइसन विद्वान अथवा विदुषी ल दे जाही, जउन ह संस्कृत भाखा म गद्य, पद्य या चम्पू के नवा रचना करे होवय। ऋष्यश्रृंग सम्मान संस्कृत भाखा के प्रचार-प्रसार म सराहनीय भूमिका बर राज्य के गैर सरकारी या स्वैच्छिक संगठन या मनखे ल देहे जाही। लोमश ऋषि सम्मान छत्तीसगढ़ के अइसन संस्कृत अध्यापक ल देहे जाही, जउन ह प्राच्य संस्कृत विद्यालय मन म संस्कृत शिक्षा के क्षेत्र म सर्वश्रेष्ठ काम करे होवय। कौशल्या सम्मान छत्तीसगढ़ के ही संस्कृत भाखा के विदुषी महिला ल देहे जाही। 
अधिकारी मन ह बताइन कि ए चारों पुरस्कार मन बर सम्मान राशि 21 हजार रूपिया होही। महर्षि वेदव्यास सम्मान संस्कृत विद्या मंडलम् ल व्यापक स्तर म बौद्धिक सहयोग देवइया अखिल भारतीय स्तर के संस्कृत विद्वान ल देहे जाही। ये मां सम्मान राशि 31 हजार रूपिया होही। सबो पांच पुरस्कार मन बर चुने गए मनखे ल पुरस्कार राशि के संग शॉल, श्रीफल अऊ प्रतीक चिन्ह घलोक भेट करे जाही। 
उमन बताइन कि सम्मान समारोह के आयोजन अवइया महीना के चार तारीक ले दस तारीक तक होवईया संस्कृत हफ्ता के समय संभावित हे। ए पुरस्कार मन बर विद्वान मन ले अऊ संस्था मन ले प्रस्ताव या आवेदन निरधारित प्रारूप म एक अगस्त 2017 तक सचिव छत्तीसगढ़ संस्कृत विद्यामंडलम्, न्यू राजेन्द्र नगर, पानी टंकी तीर (हाथकरघा कार्यालय के सामने) रायपुर, पिन कोड नम्बर 492001 के पता म भेजे जा सकत हे। जादा जानकारी छत्तीसगढ़ संस्कृत विद्यामंडलम् के वेबसाइट www.cgsanskritmandalam.choice.gov.in ले घलोक प्राप्त करे जा सकत हे। एखर अलावा संस्कृत वि़द्या मंडलम् के टेलीफोन नम्बर 0771-4001733 म घलोक सम्पर्क करे जा सकत हे। आवेदन के फार्म घलोक वेबसाइट म हवय।

संविदा नियुक्ति हेतु विज्ञापन 
हरेली ले मिलथे हरियाली के रक्षा करे के प्रेरणा: डॉ. रमन सिंह

Post a Comment

0 Comments