कृषि मंत्री श्री अग्रवाल ह गरीब पढ़ईया लईका मन ल सौंउपिन आर्थिक सहायता राशि के चेक

रोटरी कास्मो रायपुर के तरफ ले हर साल दे जाथे मदद
रायपुर, 21 जुलाई 2017। कृषि मंत्री श्री बृजमोहन अग्रवाल ह आज इहां शंकर नगर स्थित अपन निवास म आयोजित कार्यक्रम म समाज सेवी संस्था रोटरी कास्मो रायपुर के तरफ ले जरूरतमंद छात्र-छात्रा मन ल शिक्षा बर सहायता राशि के चेक वितरित करिन। श्री अग्रवाल ह ए अवसर म छात्र-छात्रा मन ल सम्बोधित करत कहिन कि पढ़ाई लिखाई बर ओ मन ल सहायता मिले हे, जेखर सदुपयोग करके मंजिल पाय के रद्दा म आगू बढ़व। कृषि मंत्री ह ओ मन ल एक लक्ष्य बनाके पूरा ध्यान पढ़ाई-लिखाई म लगाय के समझाईश दीन। 
रोटरी कास्मो के पदाधिकारी मन ह बताइन कि संस्था कोति ले हर साल रायपुर शहर के स्कूल-कॉलेज म पढ़इया लईका मन के शिक्षा बर आर्थिक सहयता दे जाथे। एखर लिए आवेदन मंगाए जाथे। ए आवेदन मन म ले चुने गए छात्र-छात्रा मन ल सहायता दे जाथे। ए साल 35 पढ़ईया लईका मन ल करीबन पौने तीन लाख सहायता दे जात हे। कृषि मंत्री श्री अग्रवाल ह आज के कार्यक्रम म 20 पढ़ईया लईका मन ल सहायता राशि के चेक प्रदान करिन। श्री अग्रवाल ह ए मौका म रोटरी कास्मो के समाज सेवा काम मन के सराहना करत कहिन कि उमन रोटरी कास्मो के पदाधिकारी मन ल गरीब लइका मन ल शिक्षा बर मदद दे के काम शुरू करे के सुझाव दे रहिन। रोटरी कास्मो कोति ले हर साल जरूरतमंद पढ़ईया लईका मन ल सहायता देहे के अनुकरणीय काम करे जात हे। रोटरी कास्मो के समाज सेवा के काम मन म शिक्षा ल बढ़ावा देहे के ये वाले काम विशेष महत्व रखथे। कृषि मंत्री ह आज के कार्यक्रम म छात्र मदी शंकर, संजय वर्मा, दीप प्रकाश, कंचन यादव, भूमिका यादव, बिन्दू जोशी, मंयक अग्रवाल, प्रिया देवांगन, प्रहलाद धृतलहरे, गौकरण, चंचल देवांगन, कामानी देवांगन, रेणुका साहू, लोमश कुमार, नेहा भूषण, ओजश चौहान, राम्या कृष्णा, वंशिका हरपाल अऊ निकिता यादव ल चेक प्रदान करे। ए अवसर म रोटरी कास्मो के प्रेसीडेंट श्री विवेक जग्गी, प्रोग्राम चेयरमेन श्री आशीष नत्थानी, श्री कीर्ति व्यास, श्री रमेश राव, श्री नरेश पटेल संग रोटरी कास्मो के आन सदस्य उपस्थित रहिन।

Post a Comment

0 Comments