डेयरी टेक्नॉलॉजी कॉलेज के नवा विस्तार भवन के लोकार्पण

कृषि मंत्री श्री अग्रवाल ह करिस लोकार्पण
उच्‍च शिक्षा मंत्री श्री पाण्डेय के अध्यक्षता म होइस समारोह
नव प्रवेशी पढ़ईया लईका मन बर उन्मुखीकरण कार्यक्रम आयोजित
रायपुर, 25 जुलाई 2017।  डेयरी टेक्नॉलॉजी शिक्षा क्षेत्र के मध्य भारत के एक मात्र महाविद्यालय छत्तीसगढ़ के राजधानी रायपुर म संचालित करे जात हे। ए दुग्ध विज्ञान अउ खाद्य प्रौद्योगिकी महाविद्यालय के विद्यार्थी अब सर्वसुविधा सहित नवा भवन म पढ़ाई करहीं। कृषि मंत्री श्री बृजमोहन अग्रवाल ह आज संझा महाविद्यालय परिसर म नवा विस्तार भवन के लोकार्पण करिस। उच्‍च शिक्षा अउ तकनीकी शिक्षा मंत्री श्री प्रेमप्रकाश पाण्डेय ह लोकार्पण समारोह के अध्यक्षता करिन। ए अवसर म बी.टेक. डेयरी टेक्नॉलॉजी के पहिली साल म प्रवेश खातिर पढ़ईया लईका मन बर उन्मुखीकरण के कार्यक्रम आयोजित करे गीस। कार्यक्रम म मंत्रीद्वय मन छात्र-छात्रा मन ल संबोधित करत डेयरी टेक्नोलॉजी शिक्षा के संगें-संग पशुधन के महत्व म प्रकाश डालिन। उमन महाविद्यालय के कई ठन संकाय ले प्रकाशित पुस्तिका मन के विमोचन तको करिन। 

Post a Comment

0 Comments