मंत्री परिषद के बैठक म लेहे गए महत्वपूर्ण निर्णय

रायपुर, 24 जुलाई 2017। मुख्यमंत्री डॉ .रमन सिंह के अध्यक्षता म मंत्रिपरिषद के बैठक आज इहां मंत्रालय (महानदी भवन) म आयोजित करे गइस। मुख्यमंत्री डॉ. रमन सिंह के अध्यक्षता म आज इहां मंत्रालय म आयोजित मंत्री परिषद के बैठक म बहुत अकन महत्वपूर्ण निर्णय लेहे गीस:-
राज्य सामान्य भविष्य निधि अऊ अंशदायी भविष्य निधि म 01 जुलाई 2017 ले 30 सितमबर 2017 तक के अवधि बर ब्याज दर 7.8 (सात दशमलव आठ) प्रतिशत रखे के निर्णय ले गीस। अभी हाल म भारत सरकार ह घलोक ए अवधि बर सामान्य भविष्य निधि अउ आन निधि मन के अभिदाता मन बर ब्याज दर कुल जमा रकम म 7.8 प्रतिशत निरधारित करे हे। आज केबिनेट म निर्णय ले गीस कि भविष्य म भारत सरकार के अधिसूचना के मुताबिक ब्याज दर निरधारित करे बर वित्त विभाग ल अधिकृत करे जाए।
मंत्री परिषद ह राज्य पिछड़ा वर्ग आयोग के अनुशंसा के मुताबिक सुत सारथी-सईस।सहीस जाति मन ल पिछड़ा वर्ग के सूची के सरल नंबर 65 ले विलोपित करे के निर्णय लेहे हे, काबर कि भारत सरकार कोति ले ए जाति मन ल छत्तीसगढ़ राज्य के अनुसूचित जाति के सूची के सरल नंबर 25 म सामिल कर लेहे गए हे। 
विधेयक मन ल मंजूरी
मंत्रि परिषद ह आज जऊन विधेयक मन के अनुमोदन करिस, ओ ए प्रकार हे-
1. छत्तीसगढ़ निराश्रित मन अउ गरीब मनखे के सहायता अधिनियम 1970, यथा संशोधित 2010 म संशोधन।
2. छत्तीसगढ़ नगरपालिका (संशोधन) विधेयक 2017
3. छत्तीसगढ़ आबकारी (संशोधन) विधेयक 2017
4. जीएसटी लागू होए के कारण छत्तीसगढ़ मूल्य संवर्धित कर अधिनियम 2005 म संशोधन बर विधेयक।
5. छत्तीसगढ़ दुकान अउ स्थापना (नियोजन अउ सेवा शर्त मन के विनियमन) विधेयक 2017।
6. छत्तीसगढ़ औद्योगिक नियोजन (स्थायी आदेश) विधेयक 2017।
7. छत्तीसगढ़ श्रम विधियां (संशोधन) अऊ प्रकीर्ण उपबंध विधेयक 2017।
8. पहिली अनुपूरक अनुमान साल 2017-18 के विधानसभा म उपस्थापन बाबत अउ छत्तीसगढ़ विनियोग विधेयक 2017 के अनुमोदन।

Post a Comment

0 Comments