द इंस्टीट्यूट ऑफ चार्टर्ड अकाउंटेंट संस्था के स्थापना दिवस

अर्थव्यवस्था ल सुदृढ़ करे म चार्टर्ड के महत्वपूर्ण भूमिका: गहलोत
जीएसटी एक ऐतिहासिक कदम: डॉ. रमन सिंह 

रायपुर, 01 जुलाई 2017। राजधानी रायपुर म आज द इंस्टीट्यूट ऑफ चार्टर्ड एकाउंटेंट संस्था के स्थापना दिवस म आयोजित कार्यक्रम म केन्द्रीय सामाजिक अधिकारिता मंत्री श्री थावरचंद गेहलोत, मुख्यमंत्री डॉ. रमन सिंह अऊ महिला अउ बाल विकास मंत्री श्रीमती रमशीला साहू संग बहुत अकन वरिष्ठ जन सामिल होइन। श्री गेहलोत ह कहिन - जीएसटी लागू होए म  हमार देश के अर्थव्यवस्था म एक नवा शुरूआत होए हे। प्रधानमंत्री श्री मोदी ह व्यापक जनहित अऊ राष्ट्रहित म ये कदम उठाए हे। एखर से देश म व्यापार-व्यवसाय बर बेहतर वातावरण बनही। श्री गेहलोत ह कहिन -  देश के अर्थव्यवस्था ल अऊ जादा बेहतर बनाए म चार्टर्ड एकाउंटेंट मन के महत्वपूर्ण भूमिका हे। उमन अऊ मुख्यमंत्री ह चार्टर्ड एकाउंटेंट के संस्था के स्थापना दिवस म चार्टर्ड एकाउंटेंट मन ल बधाई अऊ शुभकामना दीन। कार्यक्रम म केन्द्रीय मंत्री श्री गेहलोत अऊ मुख्यमंत्री डॉ. रमन सिंह ह संस्था के स्मारिका के विमोचन घलोक करिन। 

Post a Comment

0 Comments