मुख्यमंत्री ले सेवा सहकारी समिति के नवनिर्वाचित पदाधिकारी मन ह करिन सौजन्य मुलाकात

रायपुर, 09 जुलाई 2017। मुख्यमंत्री डॉ. रमन सिंह ले काल ऊंखर निवास कार्यालय म राजनांदगांव विधानसभा के करीबन 90 सदस्यीय प्रतिनिधि मंडल ह श्री कोमल सिंह राजपूत के नेतृत्व म मुलाकात करिन। एमां विधानसभा क्षेत्र राजनांदगांव के अंतर्गत सात सेवा सहकारी समिति मन के नवनिर्वाचित पदाधिकारी घलोक सामिल रहिन। मुख्यमंत्री डॉ. सिंह ह ए पदाधिकारि मन ल अपन नवीन दायित्व बर बधाई अऊ शुभकामना दीन। उमन कहिन कि सेवा सहकारी समिति मन के ग्रामीण अर्थव्यवस्था के संचालन म महत्वपूर्ण योगदान होथे। ए समिति मन के माध्यम ले किसान मन ल खाद, बीज आदि के सुविधा मुहैया कराए जाथे। समिति के किसान मन के उपज धान के उपार्जन व्यवस्था म घलोक महत्वपूर्ण भूमिका होथे। उमन समिति के पदाधिकारि मन ल किसान मन ले जुरे रहिके ऊंखर हित म संचालित योजना मन ल जादा ले जादा लाभ देवाए बर कहिन। ए अवसर म ढाबा, गठला, ऊपरवाह, भानपुरी, घुमका, सुरगी आदि समिति मन के पदाधिकारी उपस्थित रहिन।

Post a Comment

0 Comments