रायपुर नगर निगम म राज्य वित्त आयोग के बैठक

आयोग के अध्यक्ष के संग महापौर अउ पार्षद मन ह करिन कई ठन विषय मन म विचार-विमर्श

रायपुर, 25 जुलाई 2017।  छत्तीसगढ़ राज्य वित्त आयोग के अध्यक्ष श्री चंद्रशेखर साहू ह आज रायपुर नगर निगम के सभाकक्ष म आयोजित बैठक म शहर म नागरिक सुविधा मन के विकास ले जुड़े कई ठन विषय मन म महापौर श्री प्रमोद दुबे अऊ पार्षद मन के संग विचार-विमर्श करिन। बैठक म महापौर अउ पार्षद मन ह आयोग ल बहुत अकन सुझाव घलोक दीन।
श्री चंद्रशेखर साहू ह कहिन- रायपुर नगर निगम के अपन गौरवशाली इतिहास रहे हे। ये छत्तीसगढ़ अऊ अविभाजित मध्यप्रदेश के सबले जुन्ना नगरीय निकाय मन म एक हे। केन्द्र सरकार ह रायपुर शहर ल घलोक स्मार्ट सिटी परियोजना म सामिल करे हे। एला ध्यान म रखके स्मार्ट सिटी के जइसे नागरिक सुविधा के विकास बर मिलके काम करना हम सबके जिम्मेदारी हे। 
श्री साहू के अध्यक्षता म राज्य वित्त आयोग के ए बैठक म नगर निगम के खुद के संसाधन मन के अभी हाल के स्थिति, ओमां वृद्धि के संभावना, शहर म बिजली, पानी, स्वच्छता, ठोस कचरा प्रबंधन, घर अऊ सड़क जइसे मूलभूत सुविधा मन के अभी हाल बेंचमार्क के स्थिति, निगम के लेखा परीक्षण के स्थिति, 14वें वित्त आयोग के अनुदान राशि के आवंटन अऊ व्यय संग कई विषय मन म विस्तार ले चर्चा करे गीस। एखर अलावा केन्द्रीय सहायता प्राप्त अमृत मिशन, स्मार्ट सिटी अउ राज्य सरकार के मिशन क्लीन सिटी के तहत काम मन के प्रगति अऊ भविष्य के योजना ल लेके घलोक विचार-मंथन होइस। 
बैठक म देश म लागू जीएसटी कानून के परिप्रेक्ष्य म नगर निगम के वित्तीय संसाधन मन ल लेके घलोक बातचीत होइस। श्री साहू ह शहरी अधोसंरचना अऊ सार्वजनिक सेवा मन के क्षेत्र म लोक-निजी सहभागिता (पीपीपी) मॉडल के ताजा स्थिति अऊ भविष्य के संभावना मन म घलोक शहरी जनप्रतिनिधि मन ले विचार-विमर्श करिन। आयोग के अध्यक्ष श्री साहू ह कहिन -रायपुर शहर म करीबन हर रोज, कोनो नइ कोनो सार्वजनिक आयोजन होत रहिथे। अइसन कार्यक्रम मन के आयोजक मन म निगम कोति ले इवेंट टैक्स लगाए जा सकत हे। नगर निगम के पार्षद मन ह आयोग ल गरीब सेवा निधि अउ शासकीय अनुदान के राशि सीधा निगम के खाता म हस्तांतरित करे के सुझाव दीन। एखर संगेच बैठक म नगर निगम क्षेत्र म विकास काम मन बर जमीन के उपलब्धता बनाए रखे के उद्देश्य ले जमीन बैंक के स्थापना अऊ निगम क्षेत्र म मकान मन के नियमितिकरण ले मिलइया  राशि म निगम के अधिकारिता के विसय म घलोक चर्चा करे गीस। बैठक म आयोग के सदस्य श्री नरेशचंद्र गुप्ता, नगर निगम के सभापति श्री प्रफुल्ल विश्वकर्मा, आयोग के सचिव श्री भरत अग्रवाल अऊ निगम के बहुत अकन पार्षद अउ संबंधित जोन अध्यक्ष अऊ जोन आयुक्त घलोक उपस्थित रहिन।

स्वच्छ भारत मिशन: छत्तीसगढ़ के मदरसा मन म घलोक लइका मन बर बनही स्वच्छ शौचालय 
खाद्य मंत्री श्री मोहले के अध्यक्षता म उपसमिति के बैठक 
सड़क हादसा मन म घायल मनखे के बिना कोनो पूछताछ के तुरंत हो इलाज: श्री राजेश मूणत 
मुख्यमंत्री ह श्री नायडू ले करिन सौजन्य मुलाकात 
डेयरी टेक्नॉलॉजी कॉलेज के नवा विस्तार भवन के लोकार्पण 
मुख्यमंत्री मेरन समाचार पत्र प्रकाशक मन करिन सौजन्य मुलाकात
मुख्यमंत्री ह करिस कैलेण्डर के विमोचन 
मंत्री श्रीमती रमशीला साहू ले जनप्रतिनिधि मन ह करिन मुलाकात
दसवीं अउ बारहवीं के जिला टॉपर दिव्यांग विद्यार्थी मुख्यमंत्री के हाथ सम्मानित होही

Post a Comment

0 Comments