मुख्यमंत्री ह करिस जनसम्पर्क विभाग के नवा वेबसाइट के शुभारंभ

रायपुर, 19 जुलाई 2017। मुख्यमंत्री डॉ. रमन सिंह ह आज इहां अपन निवास कार्यालय म जनसम्पर्क विभाग के नवा वेबसाइट www.new.dprcg.gov.in के शुभारंभ करिस। नवा वेबसाइट ल पहिली के वेबसाइट ले जादा आकर्षक बनाय गए हे। येमां शासकीय आयोजन के संग राज्य शासन के कई ठन विभाग मन के प्रदेश अऊ जिला स्तरीय गतिविधि मन के बारे म प्रेस विज्ञप्ति (समाचार), फोटोग्राफ्स, वीडियो क्लिपिंग आदि अऊ जादा सुरूचिपूर्ण ढंग ले प्रदर्शित करे जात हे। मुख्यमंत्री ह नवा वेबसाइट बर जनसम्पर्क विभाग के अधिकारी मन ल बधाई अऊ शुभकामना दीन। ए अवसर म मुख्यमंत्री के प्रमुख सचिव श्री अमन कुमार सिंह, जनसम्पर्क विभाग के संचालक अऊ संयुक्त सचिव श्री राजेश सुकुमार टोप्पो अऊ मुख्यमंत्री के संयुक्त सचिव श्री मुकेश बंसल संग आन संबंधित वरिष्ठ अधिकारी उपस्थित रहिन।

Post a Comment

0 Comments