सेवानिवृत्त होए म मंत्रालय के चार अधिकारी मन ल भावभीनी बिदाई

मंत्रालय म पदस्थ चार अधिकारि मन के काल 30 जून के दिन अधिवार्षिकी आयु पूरा करके सरकारी सेवा ले निवृत्त होए म उमन ल आज इहां मंत्रालय (महानदी भवन) में भावभीनी बिदाई देहे गीस। मंत्रालयीन कर्मचारी संघ कोति ले आयोजित विदाई समारोह म खाद्य विभाग के सचिव श्रीमती ऋचा शर्मा ह सेवानिवृत्त मुख्य सुरक्षा अधिकारी श्री के.एस चौधरी, मुख्य सचिव के निज सचिव श्री डी.एस. वर्मा, खाद्य विभाग के अवर सचिव श्री अरूण कुमार सिंह अउ लोक स्वास्थ्य यांत्रिकी विभाग के अनुभाग अधिकारी श्री सी.एल. पवार ल शाल अउ श्रीफल देके उंखर सम्मान करिन। उमन सेवानिवृत्त जमो अधिकारी मन के उज्जवल भविष्य के कामना करिन। ये अवसर म रजिस्ट्रार श्री बी.एस. कुशवाहा, भारतीय स्टेट बैंक मंत्रालय शाखा के शाखा प्रबंधक श्री सुनील कुमार धगट, मंत्रालयीन कर्मचारी संघ के अध्यक्ष श्री कीर्तिवर्धन उपाध्याय संग संघ के जमो पदाधिकारी अउ बड़ संख्या म मंत्रालय के अधिकारी-कर्मचारी उपस्थित रहिन।

Post a Comment

0 Comments