मुख्यमंत्री ह करिस शोध पत्रिका ’रामायण रहस्य’ के विमोचन

रायपुर, 24 जुलाई 2017। मुख्यमंत्री डॉ. रमन सिंह ह आज इहां मंत्रालय (महानदी भवन) म कमला मेमोरियल सोसायटी रायपुर कोति ले प्रकाशित मासिक शोध पत्रिका ’रामायण रहस्य’ के विमोचन करिस। उमन पत्रिका प्रकाशन बर  सोसायटी ले जुरे सबो मनखे मन ल बधाई अऊ शुभकामना दीन। डॉ. सिंह ह प्रसन्नता व्यक्त करत कहिन कि शोध पत्रिका के प्रवेशांक म रामायण के कई ठन कथा प्रसंग मन ल सुरूचिपूर्ण ढंग ले प्रस्तुत करे गए हे। ए अवसर म स्वतंत्रता संग्राम सेनानी संघ के प्रदेश अध्यक्ष अऊ पद्मश्री सम्मान प्राप्त डॉ. महादेव प्रसाद पाण्डेय विशेष रूप ले उपस्थित रहिन। 
डॉ. पाण्डेय ह घलोक शोध पत्रिका के प्रकाशन म खुशी जताईन अऊ कहिन कि ये पत्रिका राष्ट्रपति अऊ प्रधानमंत्री ल घलोक भेजे जाही। रायपुर प्रेस क्लब के अध्यक्ष श्री के.के. शर्मा ह कहिन कि शोध पत्रिका रामायण रहस्य उपर प्रेस क्लब के सभागार म गोष्ठि के आयोजन करे जाही। आभार प्रदर्शन कमला मेमोरियल सोसायटी के अध्यक्ष श्री वसंतवीर उपाध्याय ह करिस। ए अवसर म छत्तीसगढ़ राज्य हिन्दी ग्रंथ अकादमी के संचालक श्री शशांक शर्मा, प्रेस क्लब रायपुर के संयुक्त सचिव श्री प्रफुल्ल ठाकुर, श्री कृष्णा नगर सोसायटी के संरक्षक श्री गुलशरण सिंह, शासकीय आयुर्वेद कॉलेज के प्राध्यापक डॉ. संजय शुक्ला, संग डॉ. संजीव पाण्डेय अऊ कमला मेमोरियल सोसायटी के बहुत अकन पदाधिकारी अउ सदस्य बड़ संख्या म उपस्थित रहिन।

Post a Comment

0 Comments