भारतीय कृषि-खाद्य परिषद के अध्यक्ष के छत्तीसगढ़ प्रवास

मंत्रालय म अधिकारी मन के संग विचार-मंथन
रायपुर, 29 जुलाई 2017। भारतीय कृषि अउ खाद्य परिषद के अध्यक्ष डॉ. एम.जे. खान ह छत्तीसगढ़ प्रवास के समय आज इहां मंत्रालय (महानदी भवन) म प्रदेश सरकार के अपर मुख्य सचिव अऊ कृषि उत्पादन आयुक्त श्री अजय सिंह संग आन वरिष्ठ अधिकारी मन के संग बैठक म कई ठन विषय मन म विचार-विमर्श करिन। उमन खेती-किसानी, कृषि व्यवसाय, कृषि निवेश अऊ खाद्य प्रसंस्करण म परिषद के भूमिका उपर प्रकाश डालिन। डॉ. खान ह अपन प्रस्तुतिकरण म कृषि विकास अऊ किसान कल्याण बर परिषद कोति ले करे जात उदीम मन के जानकारी दीन। उमन बताइन कि कृषि उत्पाद के बाजार व्यवस्था बर उंखर ब्रांडिंग अऊ प्रमाणित गुणवत्ता जरूरी हे। परिषद कोति ले अइसन उत्पाद के प्रमाणीकरण के घलोक सुविधा दे जाथे। बैठक म सचिव कृषि श्री अनूप श्रीवास्तव, संचालक कृषि श्री एम.एस. केरकेट्टा, संचालक पशुपालन श्री एन.के. पाण्डेय, प्रबंध संचालक मंडी बोर्ड श्री अभिजीत सिंह, प्रबंध संचालक राज्य बीज विकास निगम श्री आलोक अवस्थी संग आन अधिकारी उपस्थित रहिन। 

Post a Comment

0 Comments