छत्तीसगढ़ म राजकीय वृक्ष ’सरई’ के दुबारा उत्पादन के पहल

हरियर छत्तीसगढ़ वृक्षारोपण महाअभियान 

रायपुर, 20 जुलाई 2017। राज्य सरकार के उपक्रम छत्तीसगढ़ औषधीय पादप बोर्ड ह प्रदेश के राजकीय वृक्ष साल (सरई) ल संरक्षित करे अऊ प्राकृतिक रूप ले दुबारा विकसित करे के योजना बनाय हे। एखर लिए हरियर छत्तीसगढ़ वृक्षारोपण महाअभियान के तहत कल 21 जुलाई ले प्रदेश भर म हफ्ता व्यापी साल (सरई) संवर्धन महोत्सव के आयोजन करे जाही। एखर पूर्व बेला म आज बोर्ड के अध्यक्ष श्री रामप्रताप सिंह ह अपन कार्यालय परिसर ले औषधीय पौधा वितरित करे बर प्रचार वाहन मन ल रवाना करिन। ए मौका म बोर्ड के उपाध्यक्ष श्री जे.पी. शर्मा संग बोर्ड के आन अधिकारी घलोक उपस्थित रहिन। प्रचार वाहन मन ले राजधानी रायपुर के निकटवर्ती माना कैम्प, माना बस्ती, लालपुर, मंदिरहसौद अऊ डुमरतराई के स्कूल मन संग रायपुर शहर अऊ भिलाई नगर के सार्वजनिक स्थान मन म औषधीय पौधा वितरित करे जाही। प्रचार वाहन मन ले आम जनता ल साल (सरई) वृक्ष मन के महत्व बताए जाही अऊ साल के बीज के दुबारा उत्पादन के परम्परागत पद्धति के घलोक प्रचार-प्रसार करे जाही।

Post a Comment

0 Comments