दसवीं अउ बारहवीं के जिला टॉपर दिव्यांग विद्यार्थी मुख्यमंत्री के हाथ सम्मानित होही

समाज कल्याण सचिव श्री सोनमणि बोरा के वीडियो कॉन्फ्रेसिंग 
रायपुर, 25 जुलाई 2017। दसवीं अउ बारहवीं के जिला टॉपर दिव्यांग पढ़ईया लईका मन ल अगस्त म मुख्यमंत्री डॉ. रमन सिंह के हाथ सम्मानित करे जाही। ए विसय म समाज कल्याण विभाग के सचिव श्री सोनमणि बोरा ह आज समीक्षा करिन। श्री बोरा ह मंत्रालय (महानदी भवन) के विडियो कॉन्फ्रेसिंग कक्ष एम1-10 म कई जिला मन के कलेक्टर मन ल विडियो कांफ्रेसिंग के माध्यम ले दसवीं अउ बारहवीं के जिला टॉपर दिव्यांग छात्रा-छात्रा मन के सूची जल्द भेजे के निर्देश दीन। डायरेक्ट बेनिफिट ट्रांसफर (डी.बी.टी.) के तहत आधार कार्ड ले बैंक के खाता नंबर के सीडिंग के काम शत-प्रतिशत करे अउ 15 अगस्त तक ओखर प्रमाणीकरण के निर्देश घलोक श्री बोरा ह दीन। अइसे दिव्यांग जिंकर हाथ नइ हे ओखर फ्रिंगर प्रिंट नइ लेहे जा सकय, ओखर प्रमाणीकरण आंखी के रेटिना ले करे जाय ल कहिन। प्रदेश के धमतरी, कोरिया, बलरामपुर, रायगढ़, दुर्ग, कांकेर, बेमेतरा जिला म अगस्त तक डायरेक्ट बेनिफिट ट्रांसफर के काम पूरा कर लेहे जाही अउ 10 आन जिला मन म अकटूबर तक, अउ नवम्बर तक सबो जिला मन म डायरेक्ट बेनिफिट ट्रांसफर के काम पूरा होए म दिव्यांग पेंशन सीधा पेंशनधारी के खाता म चले जाही। दिव्यांगजन मन बर यूनिक आई कार्ड, तीसर लिंग मनखे के प्रमाणीकरण, वृद्धजन मन के भरण-पोषण अधिनियम के पालन सुनिश्चित करे के निर्देश सचिव श्री बोरा ह कलेक्टर मन ल दीन।

Post a Comment

0 Comments