रायपुर के रिजा ह साऊथ एशियन योग चौंपियनशिप जीतिस, मुख्यमंत्री ह दीस बधाई

रायपुर, 31 जुलाई 2017। मुख्यमंत्री डॉ. रमन सिंह ह रायपुर के स्कूल के छात्रा रिजा मशा खान ल साऊथ एशियन योग चौंपियनशिप जीते म बधाई अऊ शुभकामना देहे हे। ए चौंपियनशिप के आयोजन नेपाल योग एसोशिएसन कोति ले 6 ले 9 मई तक काठमांडू म करे गए रहिस। रिजा ह आज संझा इहां मुख्यमंत्री डॉ. रमन सिंह ले ऊंखर निवास स्थित कार्यालय कक्ष म मुलाकात करके ओ मन ल अपन उपलब्धि मन के जानकारी दीन। डॉ. सिंह ह रिजा ल उज्ज्वल भविष्य बर आशीर्वाद दीन। रिजा डीपीएस स्कूल रायपुर के कक्षा 7 वीं के छात्रा आए। ए मउका म छत्तीसगढ़ राज्य अल्पसंख्यक आयोग के अध्यक्ष श्री सुरेन्द्र सिंह कैम्बो , छत्तीसगढ़ राज्य ऊर्दू अकादमी के अध्यक्ष मोहम्मद अकरम कुरैशी, रिजा के पिता श्री मखरूम खान अऊ माता श्रीमती अमीना खान घलोक उपस्थित रहिन।

Post a Comment

0 Comments