प्रधानमंत्री कृषि सिंचाई योजना के तहत हर खेत म पानी पहुंचाए के लक्ष्य

ए लक्ष्य ल पूरा करे बर तत्परता ले काम करय राज्य:  श्री बृजमोहन अग्रवाल
जल मंथन म छत्तीसगढ़ के जल संसाधन मंत्री ह अभियान जल भागीरथी योजना म प्रस्तुतिकरण दीन
रायपुर, 28 जुलाई 2017। छत्तीसगढ़ के जल संसाधन मंत्री श्री बृजमोहन अग्रवाल ह कहिन कि देश के हर किसान के खेत म पानी पहुंचाए अऊ उंखर आय ल दुगुना करे के प्रधानमंत्री श्री नरेन्द्र मोदी के सपना ल पूरा करे बर सबो राज्य मन ल तत्परता ले काम करना चाही। श्री अग्रवाल आज नई दिल्ली के विज्ञान भवन म जल संसाधन अऊ नदी विकास मंत्रालय कोति आयोजित ‘जल मंथन’ के अवसर म संबोधित करत रहिन । जल मंथन के शुरुआत केंद्रीय मंत्री सुश्री उमा भारती ह करिन। ए अवसर म राज्य मंत्री श्री संजीव बाल्यान अऊ पंजाब के सिचांई मंत्री राणा गुरजीत सिंह घलोक उपस्थित रहिन।
श्री अग्रवाल ह कहिन के प्रधानमंत्री कृषि सिंचाई योजना देश म सबले कम समय म तैयार होके अमल म लाए गए योजना आए। एकर प्रमुख उद्देश्य जल्द ले जल्दी देश म सिंचाई के परिदृश्य बदलके किसान मन ल ऊंखर खेत तक पानी पहुंचाना हे ताकि ओ मन अपन उत्पादन ल दुगुना कर सकंय । श्री अग्रवाल ह कहिन कि ए योजना ल तइयार करे म सबो राज्य मन ह काफी मेहनत करे हें अऊ कई राज्य एखर क्रियावन्यन म घलोक तेजी ले काम करत हे। उमन एखर बर महाराष्ट्र अऊ ओडिशा के प्रशंसा घलोक करिन।
श्री अग्रवाल ह कहिन के पीएमकेएसवाय के तहत देश भर म 99 सिंचाई परियोजना मन ल सेट समय म पूरा करे के लक्ष्य रखे गए हे अऊ एखर लिए राज्य मन ल धन राशि घलोक देहे गए हे। अब राज्य मन के जिम्मेदारी हे कि ओ मन एला तत्परता ले पूरा करंय। राज्य मन ल अपन लंबित परियोजना मन ल पूरा करे बर एखर ले बेहतर अवसर दुबारा नइ मिलय। जल मंथन म सबो राज्य मन के जल संसाधन सचिव अऊ वरिष्ठ अधिकारी उपस्थित रहिन।

Post a Comment

0 Comments