शराब व्यसन मुक्ति बर होही भारत माता वाहिनी मन के गठन: राज्य स्तरीय प्रशिक्षण आयोजित

प्रदेश के करीबन 11 हजार ग्राम पंचायत मन म होही भारत माता वाहिनी
रायपुर, 29 जुलाई 2017। शराब व्यसन मुक्ति अभियान के तहत छत्तीसगढ़ के सबो दस हजार 971 ग्राम पंचायत मन म महिला मन के भागीदारी ले भारत माता वाहिनी जनजागरण के काम करही। अभी हाल म करीबन 500 भारत माता वाहिनी काम करत हे। हर ग्राम पंचायत म एक भारत माता वाहिनी गठित करे के लक्ष्य हे। ए सिलसिला म इहां आबकारी भवन म राज्य स्तरीय प्रशिक्षण कार्यक्रम के आयोजन करे गीस। ये मां प्रदेश के सबो राजस्व संभाग मन अऊ जिला मन ले आबकारी उपायुक्त, सहायक आयुक्त, जिला आबकारी अधिकारी अऊ सहायक आबकारी अधिकारी सामिल होइन।  
सचिव-सह आबकारी आयुक्त श्री अशोक अग्रवाल ह भारत माता वाहिनी मन के गठन के उद्देश्य मन म प्रकाश डालिन। कार्यक्रम म राजनांदगांव जिला के पद्मश्री सम्मानित सामाजिक कार्यकर्ता श्री फूलबासन यादव ह महिला स्व-सहायता समूह मन के साथ पाछू 18 बछर ले राजनांदगांव जिला म संचालित गतिविधि मन अऊ शराब व्यसन मुक्ति बर जन-जागरण म ए समूह मन के योगदान के उल्लेख करिन। सेवानिवृत्त आईएएस अधिकारी श्री दिनेश श्रीवास्तव ह कहिन -महिला स्व-सहायता समूह मन के संग भारत माता वाहिनी योजना के प्रभावी संचालन करे जा सकत हे। 
इंदिरा गांधी कृषि विश्वविद्यालय रायपुर के विस्तार सेवा मन के संचालक श्री एन.पी. ठाकुर ह भारत माता वाहिनी मन ले जुरइया महिला मन ल कृषि अऊ उद्यानिकी उपर आधारित रोजगारमूलक काम मन म प्रशिक्षित करे के जरूरत बताईन अऊ ये मां विश्वविद्यालय के तरफ ले हर संभव सहयोग के आश्वासन दीन। समाज कल्याण विभाग के विशेष कर्त्तव्यस्थ अधिकारी श्री राजेश तिवारी ह नशामुक्ति के उपाय मन के उल्लेख करत राज्य अऊ केन्द्र सरकार के योजना मन उपर प्रकाश डालिन। आभार प्रदर्शन आबकारी विभाग के अपर आयुक्त श्री पी.एल. वर्मा ह करिन। 

Post a Comment

0 Comments