केन्द्रीय वित्त मंत्री के दौरा कार्यक्रम

रायपुर, 08 जुलाई 2017। केन्द्रीय वित्त अउ रक्षा मंत्री श्री अरूण जेटली इतवार 09 जुलाई के दिन रायपुर आहीं। श्री जेटली बिहनिया 9 बजे हवई जहाज ले नई दिल्ली ले प्रस्थान करके 10.30 बजे रायपुर के स्‍वामी विवेकानंद एयरपोर्ट पहुंचहीं अऊ 11 बजे ले मुख्यमंत्री निवास उप श्री रामनाथ कोविंद के संग विधायक अऊ सांसद मन के बैठक लेंहीं। श्री जेटली मंझनिया 1.50 बजे मुख्यमंत्री निवास ले प्रस्थान करके दू बजे होटल बेबीलोन इंटरनेशनल एयरपोर्ट रोड पहुंचहीं अऊ उहां जीएसटी उपर आयोजित कार्यशाला म सामिल होहीं। केन्द्रीय वित्त मंत्री संझा 3.05 बजे होटल बेबीलोन ले प्रस्थान करके 3.20 बजे स्‍वामी विवेकानंद एयरपोर्ट पहुंचहीं अऊ 3.30 बजे रायपुर ले नई दिल्ली बर रवाना हो जाहीं।

Post a Comment

0 Comments