स्कूली लइका मन के मध्यान्ह भोजन योजना के जानकारी अब वेब पोर्टल म घलोक होही

रायपुर, 04 जुलाई 2017। स्कूली लइका मन बर संचालित मध्यान्ह भोजन योजना के जानकारी छत्तीसगढ़ सरकार के लोक शिक्षण संचालनालय कोति ले विभागीय वेब पोर्टल म अपलोड कर दे गए हे। पारदर्शिता के दृष्टि ले सर्वोच्च न्यायालय कोति ले देश के सबो राज्य मन अऊ केन्द्र शासित प्रदेश मन ल ए सिलसिला म निर्देश देहे गए हे। लोक शिक्षण संचालनालय छत्तीसगढ़ ह सुप्रीम कोर्ट के निरधारित प्रारूप म योजना ले संबंधित राज्य स्तर, जिला, विकासखण्ड अऊ स्कूल स्तर के जानकारी पाछू महीना के 20 तारीक को विभागीय वेब पोर्टल म अपलोड कर देहे हे। एकर अवलोकन विभाग के वेब पोर्टल www.eduportal.cg.nic.in के मेन्यू स्कीम इन्फरमेशन के सब-मेन्यू एमडीएम म देखे जा सकत हे। लोक शिक्षण संचालनालय ह सबो जिला शिक्षा अधिकारी मन ल विकासखण्ड शिक्षा अधिकारी मन के माध्यम ले हर एक विकासखण्ड म एकर प्रचार-प्रसार करे के घलोक निर्देश देहे हे। 

Post a Comment

0 Comments