पंडित रविशंकर शुक्ल के 140 वीं जयंती म करीबन एक हजार पौधा लगाए गीस

रायपुर, 02 अगस्त 2017। तत्कालीन अविभाजित मध्यप्रदेश के पहिली मुख्यमंत्री स्वर्गीय पंडित रविशंकर शुक्ल के 140 वी जयंती आज इहां पंडित रविशंकर शुक्ल विश्वविद्यालय के प्रेक्षागृह म मनाए गीस। समारोह के मुख्य अतिथि आयुष विश्वविद्यालय के कुलपति पद्मश्री डॉ. ए.टी. दाबके रहिन। अध्यक्षता पंडित रविशंकर शुक्ल विश्वविद्यालय के कुलपति डॉ. एस.के. पाण्डेय ह करिन। ए अवसर म विश्वविद्यालय परिसर म डॉ. दाबके के संग प्राध्यापक अऊ छात्र-छात्रा मन ह कई ठन प्रजाति मन के करीबन 1000 पौघा लगाइन। पढ़ईया लईका मन ह पौधा के देखभाल करे के संकल्प लीन। 
डॉ. ए.टी. दाबके ह ए अवसर म पंडित रविशंकर शुक्ल के जीवन के अनछुए प्रेरणादायक प्र्रसंग मन के बारे म बताइन। उमन कहिन कि पंडित रविशंकर शुक्ल स्वतंत्रता संग्राम सेनानी रहिन अऊ ओ मन ल तत्कालीन अविभाजित मध्यप्रदेश के पहिली मुख्यमंत्री होए के सौभाग्य मिलीस। ओ मन लोकप्रिय अध्यापक, लेखक, अऊ पत्रकार घलोक रहिन। ओ मन सरल ह्दय के मनखे रहिन। ए अवसर म कुलपति डॉ.  एस. के. पाण्डेय ह पढ़ईया लईका मन ल क्लीन कैम्पस, ग्रीन कैम्पस अउर डिजिटल कैम्पस बनाए म सहयोग करे म बल दीन। उमन ए अवसर म छात्र-छात्रा, प्राध्यापक, अधिकारी अउ कर्मचारि मन ल स्वच्छता के शपथ घलोक देवाइन। विश्वविद्यालय के कुल सचिव श्री धर्मेश साहू ह आभार व्यक्त करिन। कार्यक्रम के संचालन प्रो. के. श्री लाल वर्मा ह करिस। 
1876

Post a Comment

0 Comments