एक भारत श्रेष्ठ भारत योजना : राज्य म सरलग कार्यक्रम मन के आयोजन

पांच अगस्त के दिन ट्रेवल एजेंट अऊ टूर आपरेटर मन के रोड शो
4 ले 6 अगस्त तक गुजरात के हस्तशिल्‍पी मन के प्रदर्शनी

रायपुर, 03 अगस्त 2017। एक भारत श्रेष्ठ भारत योजना के तहत गुजरात राज्य के पर्यटन निगम कोति ले रायपुर म छत्तीसगढ़ के ट्रेवल एजेंट अऊ टूर आपरेटर्स मन बर एक रोड शो के आयोजन करे जात हे। एकर शुभारंभ पांच अगस्त के दिन मंझनिया 12.30 बजे रायपुर के होटल कोर्टयार्ड मेरियट म छत्तीसगढ़ के पर्यटन मंत्री श्री दयालदास बघेल करहीं। ये योजना के तहत 4 ले 6 अगस्त तक छत्तीसगढ़ हाट पंडरी रायपुर म गुजरात राज्य के हस्तशिल्‍पी मन कोति ले एक प्रदर्शनी लगाए जात हे। आप मन जानतेच होहू कि प्रधानमंत्री श्री नरेन्द्र मोदी के महत्वकांक्षी ए योजना के तहत छत्तीसगढ़ अऊ गुजरात राज्य के संग पेयरिंग करे गए हे। योजना के अंतर्गत दुनों राज्य मन के बीच कला-संस्कृति, खेलकूद, शिक्षा, कृषि, पर्यटन अऊ आन विभाग मन के बीच कई ठन कार्यक्रम मन के आदान-प्रदान बर ए साल जनवरी महिना म गुजरात राज्य के जिला कच्छ के ढोरढो म दुनों राज्य सरकार मन के बीच एक अनुबंध करे गए रहिस, जेखर तहत कई गतिविधि होही।

Post a Comment

0 Comments