जशपुर जिला के पहाड़ी कोरवा बहुल ग्राम पंचायत के सरपंच मन देखिन विधानसभा के कार्रवाई

मुख्यमंत्री ले मिलके सुलेसा-दनगरी सड़क निर्माण के करिन आग्रह
डॉ. सिंह ह दीन सड़क निर्माण के स्वीकृति


रायपुर, 9 फरवरी 2018। प्रदेश के जशपुर जिला के पठारी क्षेत्र के पहाड़ी कोरवा बहुल दूरस्थ ग्राम पंचायत दनगरी के सरपंच श्री मघन राम अऊ उप-सरपंच श्री जुगनूराम यादव ह आज पहली पइत छत्तीसगढ़ के विधानसभा पहुंचके विधानसभा के कार्रवाई के अवलोकन करिन। ए दौरान उमन मुख्यमंत्री डॉ. रमन सिंह ले विधानसभा परिसर स्थित ऊंखर कार्यालय कक्ष म छत्तीसगढ़ खादी अउ ग्रामोद्योग बोर्ड के अध्यक्ष श्री कृष्ण कुमार राय के नेतृत्व म सौजन्य मुलाकात करिन। सरपंच श्री मघनराम ह मुख्यमंत्री ल बताइस कि साल 2004 म मुख्यमंत्री खुद दनगरी गांव के तीर माण्ड नदी म बने पुल के लोकार्पण करे दनगरी आए रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">


मुख्यमंत्री ह जशपुर जिला के दूरस्थ ग्राम पंचायत के सरपंच अऊ उप-सरपंच ले मिलके प्रसन्नता प्रकट करिन अऊ बड़ आत्मीयता के संग उंखर से गांव के हाल-चाल पूछिन। सरपंच श्री मघन राम ह मुख्यमंत्री ल ग्राम पंचायत मुख्यालय दनगरी ले सुलेसा तक 11 किलोमीटर सड़क के निर्माण कराए के आग्रह करिन। श्री मघनराम ह मुख्यमंत्री ल बताइस कि ए सड़क के बने ले विकासखण्ड मुख्यालय बगीचा के दूरी 140 किलोमीटर ले घटके मात्र 42 किलोमीटर हो जाही। अभी दनगरी अऊ तीर-तखार के गांव के गांव वाले मन ल बगीचा जाय बर दनगरी ले लुण्ड्रा-रघुनाथपुर होत बगीचा जाना परथे, जेमां पूरा दिन के समय लग जाथे। कहूं ये सड़क बन जाही, त दनगरी ग्राम पंचायत संग तीरतारके करीबन 12 ग्राम पंचायत के गांव वाले मन ल अड़बड़ सहूलियत हो जाही। मुख्यमंत्री ह पहली पइत विधानसभा आए सरपंच श्री मघनराम के आग्रह म ए सड़क के निर्माण के स्वीकृति तुरंते प्रदान कर दीन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments