राजिम कुंभ म पहली पइत ‘रमन के गोठ’ के अनुगूंज

साधु-संत मन ह सुनके दीन उत्साहजनक प्रतिक्रिया
रेडियो के जरिये जनता ले सीधा गोठ
लोकतंत्र के अनुपम उदाहरण: महंत धर्म प्रकाश


रायपुर, 11 फरवरी 2018। मुख्यमंत्री डॉ. रमन सिंह के मासिक रेडियो वार्ता ‘रमन के गोठ’ के अनुगूंज आज छत्तीसगढ़ के प्रसिद्ध राजिम कुंभ म घलोक सुने गीस। ये पहली मउका रहिस जब छत्तीसगढ़ के ए सबले बड़े धार्मिक-सांस्कृतिक आयोजन म साधु-संत मन संग श्रद्धालुज मन बर ‘रमन के गोठ’ के प्रसारण सुनवाए के व्यवस्था करे गीस। महानदी, पैरी अऊ सोंढूर नदिया मन के पवित्र संगम म माघ पूर्णिमा ले चलत एक पाख के ए विशाल मेला के आज बारहवां दिन रहिस। उहां ए समें विराट संत समागम चलत हे, जेमां छत्तीसगढ़ संग देश के कई ठन राज्य मन ले साधु-संत आए हें। उमन संत-समागम क्षेत्र म स्थानीय नागरिक अऊ जनप्रतिनिधि मन के संग ‘रमन के गोठ’ के 30वां कड़ी ल गंभीरता ले सुनके अपन उत्साहवर्धक प्रतिक्रिया दीन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">


छत्तीसगढ़ रेडियो श्रोता संघ के संरक्षक अऊ अपैक्स बैंक के अध्यक्ष श्री अशोक बजाज अऊ रेडियो श्रोता संघ के सदस्य मन ह साधु-संत मन ल ‘रमन के गोठ‘ सुने बर आमंत्रित करे गए रहिस। संत-महात्मा मन ह सहर्ष उंखर आमंत्रण स्वीकार करिन अऊ बड़ संख्या म आयोजन म उपस्थित होइन। मुख्यमंत्री ह आज के अपन रेडियो प्रसारण म सबो मनखे मन ल दू दिन बाद अवइया महाशिवरात्रि पर्व के बधाई अऊ शुभकामना दीन। साधु-संत मन ह एखर खातिर मुख्यमंत्री के प्रति आभार प्रकट करिन। आप मन ल बता देवन कि महाशिवरात्रि के दिन राजिम कुंभ के वार्षिक मेला के विधिवत समापन होही।
संत-महात्मा मन ह डॉ. रमन सिंह से रेडियो वार्ता म दे गए शासन के कई ठन जनकल्याणकारी योजना मन के घलोक तारीफ करिन। उदासीन पंचायती बड़ा अखाड़ा सुल्तानपुर ले आए श्री महंत धर्म प्रकाश ह मुख्यमंत्री के रेडियो वार्ता ल आम जनता बर काफी उपयोगी अऊ ज्ञानवर्धक बताइस। महंत धर्म प्रकाश के कहना रहिस कि प्रधानमंत्री श्री नरेन्द्र मोदी के ‘मन के बात’ के तर्ज म छत्तीसगढ़ के मुख्यमंत्री अपन राज्य के जनता ले रेडियो के माध्यम ले सीधा गोठ करत हे, जऊन लोकतांत्रिक व्यवस्था के अनुपम उदाहरण हे। अयोध्या ले आए संत शंकर त्यागी ह कहिन - ‘रमन के गोठ’ म मुख्यमंत्री कोति ले बताइए गए छत्तीसगढ़ सरकार के योजना मन ल सुनकर अड़बड़ खुशी होइस। राजिम कुंभ म इलाहबाद ले पधारे बाबा राजकरण दास, बिहार के श्री कृष्णदास, कटनी के मीरा बाई, जयंती बाई, वृंदावन ले आए रामभक्तानंद, राजिम के पंडित अर्जुन नयन तिवारी अऊ अश्वनी महाराज ह घलोक मुख्यमंत्री के रेडियो वार्ता के प्रशंसा करिन। ए मौका म अभनपुर नगर पंचायत अध्यक्ष श्री कुंदन बघेल, गोबरा नवापारा नगर पालिका उपाध्यक्ष श्री दयालुराम गाड़ा, पार्षद श्री भूपेन्द्र सोनी अऊ जनपद पंचायत अभनपुर के उपाध्यक्ष सुश्री नंदनी साहू संग सर्वश्री शांतनु सिन्हा, उमेश यादव, संजय साहू, साधना सरोज अऊ आन कई वरिष्ठजन उपस्थित रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments