छत्तीसगढ़ के झांकी के कलाकार मन ह विधानसभा अध्यक्ष ले करिन मुलाकात

रायपुर, 05 फरवरी 2018। विधानसभा अध्यक्ष श्री गौरी शंकर अग्रवाल ले आज इहां विधानसभा परिसर स्थित ऊंखर कार्यालय कक्ष म विश्व के प्राचीनतम रामगढ़ के नाट्यशाला के झांकी के कलाकार मन ह सौजन्य मुलाकात करिन। जनसम्पर्क विभाग कोति ले ये झांकी नई दिल्ली के राजपथ म गणतंत्र दिवस के राष्ट्रीय परेड म प्रदर्शित करे गए रहिस। ए झांकी म इंदिरा कला अउ संगीत विश्वविद्यालय के कलाकार मन ह गुप्तकालीन नृत्य के आकर्षक प्रस्तुति देहे रहिन। राष्ट्रीय स्तर म छत्तीसगढ़ के ए झांकी ल तीसर पुरस्कार दे गीस। प्रतिनिधि मंडल ह विधानसभा अध्यक्ष ल पुरस्कार स्वरुप मिले ट्रॉफी अऊ सर्टिफिकेट देखाइन। विधानसभा अध्यक्ष ह ए उपलब्धि बर कलाकार मन ल बधाई अऊ शुभकामना दीन। उमन कलाकार मन ल विधानसभा के कार्रवाई देखे बर आमंत्रित करिन। इहां इंदिरा कला अउ संगीत विश्वविद्यालय के विद्यार्थी कुमारी मंजरी बक्शी, कुमारी प्रतिभा गोस्वामी, कुमारी सोनी रगड़े, कुमारी कौशिकी श्रीवादी, कुमारी कविता गंगबोईर, कुमारी नील जेनिफर, श्री रघुवंश कुमार, श्री देवेन्द्र उपाध्याय घलोक मौजूद रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments