मुख्यमंत्री ह राजिम कुंभ म जनता ल दीन सौगात : नवा राजस्व अनुविभागीय कार्यालय के शुभारंभ

रायपुर, 07 फरवरी 2018। मुख्यमंत्री डॉ. रमन सिंह ह आज संझा राजिम कुंभ के अवसर म क्षेत्र के जनता ल अनुविभागीय राजस्व कार्यालय के सौगात दीन। उमन राजिम म अनुविभागीय अधिकारी राजस्व के कार्यालय के शुभारंभ करिन। ए नवा अनुविभागीय कार्यालय के शुरू होए के बाद अब गरियाबंद जिला के अंतर्गत राजिम तहसील अऊ फिंगेश्वर उपतहसील क्षेत्र के किसान मन अऊ आम नागरिक मन ल राजस्व संबंधी अनुविभाग स्तरीय काम मन बर लगभग 50 ले 70 किलोमीटर दूरिहा गरियाबंद नइ जाए ल परय। ए नवा अनुविभागीय कार्यालय के अंतर्गत तीन राजस्व निरीक्षक मंडल अऊ 39 पटवारी हल्का सामिल करे गए हे।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">


मुख्यमंत्री ह ए अवसर म सबो मनखे मन ल राजिम म महानदी, पैरी अऊ सोंढूर नदिया मन के पवित्र संगम म माघ पून्‍नी ले चलत विशाल कुंभ (कल्प) के बधाई अऊ शुभकामना दीन। उमन कहिन कि ए मेला म आवइया साधु-संत मन के आशीर्वाद राजिम क्षेत्र के संगें-संग छत्तीसगढ़ ल घलोक हमेशा मिलत रहे हे। अनुविभागीय राजस्व कार्यालय के शुरूआत के उल्लेख करत मुख्यमंत्री ह कहिन कि ये राजिम अऊ फिंगेश्वर क्षेत्र के मनखे मन के एक अड़बड़ जुन्ना मांग रहिस, जऊन आज पूरा होइस। ए नवा कार्यालय के स्थापना ले अब इहां राजस्व प्रकरण मन के निराकरण म तेजी आही। डॉ. रमन सिंह ह नवा राजस्व अनुविभागीय कार्यालय बर नवा भवन घलोक जल्दी बनवाए के आश्वासन दीन। राजिम कुंभ के 13 बठर ले होवत सफल आयोजन बर क्षेत्रीय जनता अऊ जनप्रतिनिधि मन ले मिलत सहयोग अउ धार्मिक न्यास अऊ धर्मस्व मंत्री श्री बृजमोहन अग्रवाल के योगदान के घलोक प्रशंसा करिन। विधायक श्री संतोष उपाध्याय ह राजिम म मुख्यमंत्री से अनुविभागीय राजस्व कार्यालय के स्वीकृति देहे अऊ आज ओखर शुभारंभ करे म खुशी प्रकट करिन अऊ क्षेत्र के जनता कोति ले डॉ. रमन सिंह के प्रति आभार प्रकट करिन।




ए अवसर म राजस्व मंत्री श्री प्रेमप्रकाश पाण्डेय, धार्मिक न्यास अऊ धर्मस्व मंत्री श्री बृजमोहन अग्रवाल, अध्यक्ष जिला पंचायत डॉ. श्वेता शर्मा, अध्यक्ष नगर पंचायत राजिम श्री पवन सोनकर, अध्यक्ष जनपद पंचायत फिंगेश्वर श्री जितेन्द्र साहू अऊ कलेक्टर श्रीमती श्रुति सिंह संग आन वरिष्ठ अधिकारी अउ बड़ संख्या म नागरिक उपस्थित रहिन।

Post a Comment

0 Comments