लोक सुराज म मुख्‍यमंत्री डॉ. रमन ह करिन अब तक 23 जिला मन के सघन दौरा

रायपुर, मुख्यमंत्री डॉ. रमन सिंह ह लोक सुराज अभियान के तीसर चरण म अब तक 23 जिला मन के सघन दौरा करे हें। ओ मन एमां ले सात जिला मन के सात गांव मन म अचानक पहुंचके चौपाल म मनखे मन ले मिले हें अऊ 16 जिला मन के 16 समाधान शिविर मन म घलोक सामिल होए हें। डॉ. सिंह एखर अलावा अब तक ए 23 जिला मन म के आठ जिला मुख्यालय मन म 17 जिला मन के संयुक्त समीक्षा बैठक लेहे हें। आप मन जातेच होहू के मुख्यमंत्री के नेतृत्व म ए साल के लोक सुराज के पहला चरण आवेदन संकलन बर 12 जनवरी ले 14 जनवरी तक होइस। दूसर चरण म 15 जनवरी ले 11 मार्च तक संबंधित विभाग मन ले आवेदन मन के निराकरण करे गीस। तीसर चरण 11 मार्च ले शुरू होके 31 मार्च तक चलही।
डॉ. रमन सिंह ह तीसर चरण म चार जिला मन के दौरा करे हें। ए मन ल मिलाके उमन अब तक जऊन 23 जिला मन के दौरा करे हें, एमां कांकेर, बीजापुर, सुकमा, दंतेवाड़ा, गरियाबंद, मुंगेली, बिलासपुर, जशपुर, बलरामपुर, सरगुजा, कोरबा, कोरिया, जांजगीर-चांपा, धमतरी, दुर्ग, राजनांदगांव, कोण्डागांव, नारायणपुर, महासमुंद, बलौदाबाजार, कबीरधाम, रायगढ़ अऊ सूरजपुर सामिल हे।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">


मुख्यमंत्री ह अपन प्रवास के समय सात जिला मन के सात गांव मन म आकस्मिक चौपाल लगाके मनखे मन ले मुलाकात करिन। एमां बंडाटोला (जिला कांकेर), सेमहरा (जिला गरियाबंद), मेरो (जिला कोरिया), डोंगरडुला (जिला धमतरी), पुसापाल (जिला कोण्डागांव), टुरीझर (महासमुंद) अऊ सिंघारी (जिला-कबीरधाम) सामिल हे।
उमन अब तक 16 समाधान शिविर मन म घलोक आकस्मिक रूप ले पहुंचके मनखे मन ले मिलिन अऊ योजना मन के क्रियान्वयन के ब्यौरा लीन। ए समाधान शिविर मन म मद्देड़ (जिला बीजापुर), इंजरम (जिला सुकमा), भटगांव (जिला मुंगेली), खरकट्टा (जिला जशपुर), नगरा (जिला बलरामपुर), भैसामुड़ा (जिला कोरबा), लुतराशरीफ (जिला बिलासपुर), माड़ागांव (जिला गरियाबंद), थनौद (जिला दुर्ग), धौड़ाई (जिला-नारायणपुर) किरंदुल (जिला दंतेवाड़ा), कोसमकुंडा (बलौदाबाजार), ससौली (जिला-सरगुजा), अमोरा (जिला जांजगीर-चांपा) अऊ आज पुसल्दा (जिला-रायगढ़) अउ बैजनाथपुर (जिला-सूरजपुर) के शिविर सामिल हे।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">


डॉ. सिंह अब तक 08 जिला मुख्यालय मन म 17 जिला मन के संयुक्त समीक्षा बैठक लेहे हें। दंतेवाड़ा म उमन बीजापुर, सुकमा अऊ दंतेवाड़ा जिला के समीक्षा करिन। डॉ. सिंह ह बिलासपुर म मुंगेली अऊ बिलासपुर जिला मन के, अम्बिकापुर म सरगुजा अऊ बलरामपुर जिला मन के, जांजगीर म कोरबा अऊ जांजगीर जिला के, राजनांदगांव म कबीरधाम अऊ राजनांदगाव जिला मन के, जगदलपुर म नारायणपुर अऊ बस्तर जिला मन के समीक्षा करिन। उमन जिला मुख्यालय जशपुर म रायगढ़ अऊ जशपुर जिला मन के अऊ आज कोरिया जिला के मुख्यालय बैकुण्ठपुर म सूरजपुर अऊ कोरिया जिला मन के संयुक्त समीक्षा बैठक लीन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments