नहर सीमेंट कांक्रीटकरण ले बांचे पानी के उपयोग कर पाहीं किसान: सचिव श्री सोनमणि बोरा

ग्राम नवागाँव अऊ बिरबिरा के बीच महानदी मुख्य नहर के 23 करोड़ 28 लाख रूपिया के लागत ले निर्माण काम प्रगति म


रायपुर, 19 मार्च 2018। सचिव जल संसाधन श्री सोनमणि बोरा ह आज महानदी मुख्य नहर मे चलत सीमेंट कांक्रीटीकरण काम के निरीक्षण करिन। ए काम ल बरसात के पहिली पूरा करे के निर्देश अधिकारी मन ल दीन। उमन समान के गुणवत्ता म कमी नइ करे के निर्देश दीन। उमन कहिन कि ढ़लाई होए के बाद पानी के तरई अच्छा से करव। ये घलोक ध्यान रखव कि ढ़लाई एक लेवल म होवय। आप मन जानतेच होहू के 23 करोड़ 28 लाख रूपिया के लागत ले ग्राम नवागाँव अऊ बिरबिरा के बीच महानदी मुख्य नहर म सीमेंट कांक्रीटीकरण के काम करे जात हे। ए म कांक्रीटीकरण के काम पूरा हो जाय ले पानी के बचत होही। ए बांचे पानी ले आस-पास क्षेत्र के किसान मन के फसल के सिंचाई हो सकही। ए अवसर म प्रमुख अभियंता श्री एच.आर कुटारे, अधीक्षण अभियंता श्री के.एस. ध्रुव, कार्यपालन अभियंता श्री अजय श्रीवास्तव अऊ गुण नियंत्रण प्रकोष्ठ के अनुसंधान अधिकारी श्री एस. के. पांडेय संग संबंधित अधिकारी-कर्मचारी उपस्थित रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments